Gujarati News

રાજકોટ તા. ૨૧ : ઇસ્લામ ધર્મના અંતિમ પયગમ્બર હઝરત મુહમ્મદ (સ.અ.વ.)ના દોહિત્ર હઝરત ઈમામ હુસૈન અને તેમના ૭૨ સાથીઓએ ઇસ્લામને કાજે કરબાલાના મેદાનમાં વહોરોલી શહાદતની યાદમાં આજે મોહર્રમ છે ત્યારે અમદાવાદ - રાજકોટ સહિત ગુજરાતમાં દર વર્ષની જેમ આ વખતે પણ પરંપરાગત રૃટ પરથી તાજીયાના જુલૂસ નીકળશે. ગઇકાલે ગુરૃવારે કતલની રાત હતી.

શુક્રવારે બપોરે ઝોહરની નમાઝ બાદ તાજીયાની શરૃઆત થશે. અમદાવાદમાં આ વર્ષે પરંપરાગત રૃટ પરથી ૯૩ તાજીયા, ૨૪ અખાડા, ૨૮ ઢોલ પાર્ટી, ૨૪ ટ્રક, ૭ ઉંટગાડી, ૧૪ નિશાન અને ૧૦ માતમ મનાવનારી ટૂકડી નીકળશે. તાજીયા કમિટિના રફિક નગરીવાલા, હબીબમેવે જણાવ્યું હતું.

આજે રાત્રે ૧૦ બાદ તાજીયા ઠંડા કરવામાં આવશે. વિવિધ કલાત્મક તાજીયા તેમજ અખાડિયનો આજે આકર્ષણ જમાવશે.(૨૧.૨૫)