Gujarati News

રાજકોટ તા..૨૧: સુરત શહેરમાં પશુ ચાલકોની ગાય ચોરી જવાના બનાવોના વધતા જતા બનાવો તથા નવસારી બજાર ભરવાડ ફળીયામાંથી ગૌની ચોરી તથા તે બાદની તપાસમાં જે કરૂણ દ્રશ્યો બહાર આવ્યા તેનાથી ગૌ પ્રેમીઓ વ્યથિત થયા છે.

ભવિષ્યમાં આવી ઘટનાઓનું પુનરાવર્તન થતું રોકવા માટે સુરતના કાર્યદક્ષ પોલીસ કમિશનર સમક્ષ રજૂઆત કરી સમગ્ર મામલાની તપાસ ક્રાઇમ બ્રાન્ચને સુપરત કરવા માંગ થયેલ છે.

અત્રે યાદ રહે કે સુરતના જગાભાઈ ભરવાડની ગુમ થયેલ ગાય સંદર્ભે ગૌ પ્રેમીઓ દ્વારા અઠવા લાઈન પોલીસ સ્ટાફની સાથે રહી સીસીટીવી કેમેરા ચેક કરતા અને ટેમ્પો નંબર શોધી કાઢ્યો હતો.આરોપીઓ દ્વારા જે ક્રૂરતા આચરવામાં આવી છે તેનાથી તમામ વ્યથિત બન્યા છે.આ બાબતને ગંભીર ગણી ક્રાઇમ બ્રાન્ચ  મારફત તપાસ કરવવા માટે પોલીસ કમિશનરને રજૂઆત કરવામાં આવી છે.