Gujarati News

Gujarati News

News of Friday, 21st June 2019

અમદાવાદના મુસ્લિમ યોગ ગુરૂના સરખેજ રોજામાં યોગ

મુસ્લિમ યોગ ગુરૂની પહેલને લઇ ભારોભાર પ્રશંસા : ૨૭ વર્ષથી યોગ કરાવી રહેલા યોગ ગુરૂએ ત્રણ લાખથી વધુ લોકોને યોગ કરાવ્યા :ઘણા એવોર્ડ મેળવ્યા ચુક્યા છે

અમદાવાદ, તા.૨૧ : દેશ-વિદેશમાં યોગના પાઠ ભણાવીને ખ્યાતિ મેળવનારા શહેરના મુસ્લિમ યોગ ગુરૂએ આજે વર્લ્ડ યોગા ડે નિમિત્તે સરખેજ રોજામાં યોગ કરાવ્યા હતા અને મુસ્લિમ સમાજ સહિત સૌકોઇનું ધ્યાન ખેંચ્યું હતુ અને યોગ મુદ્દે મુસ્લિમ સમાજમાં પણ અનોખી પ્રેરણા પૂરી પાડી હતી. અમદાવાદના મુસ્લિમ યોગ ગુરૂ મહેબૂબ કુરેશી છેલ્લા ૨૭ વર્ષથી યોગના પાઠ ભણાવે છે. માત્ર એટલું જ નહીં, તેઓ દુનિયાની એક અજાયબી ગણાતી ગ્રેટ વોલ ઓફ ચાઇના પરથી લઇ સરખેજ રોજા અને જુહાપુરામાં પણ યોગા કરાવી ચૂક્યા છે. આજે પણ યોગગુરૂ મહેબૂબ કુરેશીએ સરખેજ રોજામાં યોગનો વિશેષ કાર્યક્રમ યોજયો હતો. જેમાં મોટી સંખ્યામાં વિદ્યાર્થીઓ સહિત અનેક લોકો જોડાયા હતા. શહેરના પાલડી વિસ્તારમાં રહેતા મહેબૂબ કુરેશી ભાવનગરની ડીઓ કચેરીમાં નિરિક્ષક તરીકે કામ કરતા હતા. તેઓ સંખ્યાબંધ શૈક્ષણિક તાલીમ સંસ્થાઓમાં શિક્ષકોને પણ યોગની તાલીમ આપી ચૂક્યા છે. આ અંગે મહેબૂબભાઇએ જણાવ્યું હતું કે, તેઓને યોગના ક્ષેત્ર સંખ્યાબંધ એવોર્ડ મળી ચૂક્યા છે. તેમણે ચીનની દિવાલ પર યોગા કર્યા ત્યારે એક વર્લ્ડ રેકોર્ડ બન્યો હતો. આ સાથે જ તેઓ ચીનની દિવાલ પર સૌ પ્રથમવાર યોગ કરાવનારા મુસ્લિમ યોગ ગુરૂ બન્યા હતા. મુસ્લિમ યોગ ગુરૂ છુ પણ મારે ક્યારેય વિરોધનો સામનો કરવો પડ્યો નથી. અગાઉ મેં જુહાપુરમાં પણ યોગ કર્યા ત્યારે તેમાં મોટી સંખ્યામાં લોકો જોડાયા હતા. યોગથી શરીર સ્વાસ્થ્ય, માનસિક શાંતિ અને આધ્યાત્મિક વિકાસ સહિતના અનેક ફાયદાઓ થાય છે, તેથી સૌકોઇએ યોગને જીવનમાં નિત્યક્રમ બનાવવો જોઇએ.

(7:32 pm IST)
  • શેરબજારમાં ૩પ૦થી વધુ પોઇન્ટનું ગાબડુ : નીફટી ૧૧૮૦૦ની અંદર : મુંબઇ : શેરબજારમાં ભારે વેચવાલી બપોરે ર-૩૦ કલાકે સેન્સેકસ ૩૭પ પોઇન્ટ ઘટીને ૩૯ર૩૦ અને નીફટી ૯૭ પોઇન્ટ ઘટીને ૧૧૭૩૪ ઉપર છે : ડોલર સામે રૂપિયો ૬૯.૬૧ ઉપર ટ્રેડ કરે છે : જેટ ૬૯.૪૦, લક્ષ્મી વિલાસ બેંક ૬૩, એનડીઆઇએલ ૧પ, જેપી ૩.૧૬, શોભા પરર, ઇમામી ર૮૬, ઓરી. સીમેન્ટ ૧૦૩ ઉપર છે access_time 3:35 pm IST

  • અહેમદ પટેલની આજે ફરીથી લેવાશે જુબાની : ગઇકાલે લાંબી પુછપરછ ચાલેલ : અમદાવાદ ૨૦૧૭ની રાજયસભાની ચૂંટણીનો મામલોઃ ગુજરાત હાઇકોર્ટમાં જસ્ટિસ બેલાબેન ત્રિવેદીની કોર્ટમાં કેસની સુનાવણી થશેઃ તમામ સાક્ષીઓ પણ હાઇકોર્ટમાં હાજર રહે તેવી શકયતા access_time 3:33 pm IST

  • અમિત જેઠવા હત્યા કેસ : સીબીઆઈ કોર્ટે આજે ચુકાદો ટાળ્યો : ૨૯મીએ ચુકાદો આપશે access_time 11:50 am IST