Gujarati News

Gujarati News

News of Thursday, 21st June 2018

મહેસાણા : રૂપાલ ચોકડીથી શોભાસણ વચ્ચે ત્રિપલ અકસ્માતમાં બે ના કરૂણમોત : 12ને ઇજા

ટ્રેલર, એસટી બસ અને અલ્ટો કાર વચ્ચે સર્જાયેલ અકસ્માતમાં મહિલા અને યુવાનનુ મોત : બસના ડ્રાયવર અને કંડકટર સહિત 12 મુસાફરોને ઈજા

મહેસાણા તાલુકાના રૃપાલ ચોકડીથી શોભાસણ વચ્ચે ત્રિપલ અકસ્માત સર્જાતા બે ના મોત નિપજ્યા છે જયારે 12ને ઇજા પહોંચી છે ઓવરબ્રીજ નજીક ટ્રેલર, એસટી બસ અને અલટો કાર વચ્ચે સર્જાયેલા ટ્રીપલ અકસ્માતમાં 21 વર્ષના યુવાન અને એક અજાણી મહિલાનું કરુણ મોત થયું છે જયારે એસટી બસના ડ્રાયવર અને કંડકટર સહિત 12 મુસાફરોને ઈજાઓ થઈ હતી. ઈજાગ્રસ્તોને સારવાર અર્થે મહેસાણા સિવિલ હોસ્પિટલમાં ખસેડવામાં આવ્યાં હતાં. જયારે મરનારના મૃતદેહ પોસ્ટ મોર્ટમ માટે મહેસાણા સિવિલ હોસ્પિટલમાં ખસેડવામાં આવ્યા હતા.

   મળતી વિગત મુજબ શોભાસણ ઓવરબ્રીજ નજીક હિંમતનગરથી મહેસાણા આવતી વિજાપુર ડેપોની બસ શોભાસણ ઓવરબ્રીજ નજીક પાસર થતી હતી ત્યારે અલ્ટો કારના ચાલકે એસે.ટી.બસને ઓવરટેક કરી હતી. આ સમયે સામેથી આવતા ટ્રેલર સાથે કાર ધડાકાભેર ટકરાઈ હતી. ત્યારબાદ, ટ્રેલર અને એસટી બસ ધડાકાભેર ટકરાયાં હતાં.

   આ અકસ્માતમાં એસટી બસના ડ્રાયવર જયેશભાઈ અમરતભાઈ પટેલ અને કંડકટર શૈલેષભાઈ નારણભાઈ દેસાઈ સહિત 12 લોકો વ્યકિત ઘવાયાં હતાં.જયારે અલટો કારના 21 વર્ષના ચાલક તુષારભાઈ દશરથભાઈ પટેલ (ભાન્ડુ) અને એક અજાણી મહિલાનું કરુણ મોત નીપજયું હતું અકસ્માતની જાણ થતાં જ આસપાસના રહીશો ઘટના સ્થળે દોડી ગયા હતા અને ઈજાગ્રસ્તેને હોસ્પિટલમાં ખસેડવા મદદરૃપ થયા હતા. આ અકસ્માતમાં અલટો કારનો ખુડદો બોલી ગયો હતો.

(8:27 pm IST)
  • ફૂટબોલ ફેન્સ ગાંડાતૂર :લાઈવ રિપોર્ટિંગ વેળાએ મહિલા પત્રકારને કિસ કરી નાખી ;સોશ્યલ મીડિયામાં વિડીયો વાયરલ : ફિફા વર્લ્ડ કપનો ખુમાર અને ફૂટબૉલ પ્રેમીઓ રસ્તા પર ઉતરી આવ્યા :જશ્ન વચ્ચે કેટલાક લોકો પોતાની મર્યાદા ભૂલ્યા મહિલા પત્રકાર સાથે ગેરવર્તણૂક access_time 1:09 am IST

  • ભારતીય વાયુસેનાનાં જાંબાઝ યોદ્ધાઓએ ધરતીથી 15 હજાર ફૂટની ઊંચાઈ પર આકાશમાં કર્યો યોગાભ્યાસ : આજે આંતરરાષ્ટ્રીય યોગ દિવસ ના એક દિવસ પહેલા, ગઈકાલે ભારતીય વાયુસેનાના પેરાટ્રુપર ટ્રેનિંગ સ્કૂલના વિંગ કમાન્ડર કેબીએસ સમ્યાલ અને વિંગ કમાન્ડર ગજાનંદ યાદવે અવકાશમા કરેલ યોગાભ્યાસના ફોટાઓ સોશિયલ મીડિયામાં થયા વાઈરલ access_time 1:49 pm IST

  • જી.એસ. મલ્લિક-હસમુખ પટેલ-નિરજા ગોટરૂ અને જે.કે. ભટ્ટને એડીશ્નલ ડી.જી. તરીકે બઢતીઃ જો કે મૂળ જગ્યાએ જ ચાલુ રખાયાઃ નિપૂર્ણા તોરવણે-અનારવાલા અને ડી.બી. વાઘેલાને ડીઆઈજીમાંથી આઈજી પદે મૂળ જગ્યાએ જ બઢતી આપતુ ગૃહ મંત્રાલયઃ સિનીયર કક્ષાના એસપી મનિન્દર પવાર (એસ.પી.-ખેડા), એટીએસના હિમાંશુ શુકલ-સીબીઆઈના રાઘવેન્દ્ર વત્સ, દાહોદના એસપી પ્રેમવીરસિંઘ, કચ્છ પશ્ચિમના એમ.એસ. ભરાડા તથા રાજકોટમાં ડીસીપી તરીકે ફરજ બજાવી ગયેલા હિતેન્દ્ર ચૌધરીને ડીઆઈજીનો સિલેકશન ગ્રેડ અપાયો access_time 12:53 pm IST