Gujarati News

Gujarati News

News of Tuesday, 21st May 2019

અમદાવાદમાં પીએસઆઇ દેવેન્‍દ્ર રાઠોડની આત્મહત્યા કેસમાં પત્ની ડિમ્પલબા દ્વારા આત્મવિલોપનની ચિમકી

ગાંધીનગર :અમદાવાદમાં PSI દેવેન્દ્ર રાઠોડની આત્મહત્યા કેસને લઈને PSIના પત્ની ડિમ્પલ બા રાઠોડ સચિવાલય પહોંચ્યા હતા અને સમગ્ર કેસની ન્યાયિક તપાસ થાય તેવી માંગણી સાથે ગૃહ રાજ્ય મંત્રી પ્રદિપસિંહ જાડેજા સાથે મુલાકાત કરી હતી. તેમણે ગૃહ રાજ્યમંત્રીને આવેદન પત્ર પણ પાઠવ્યું હતું અને ડીવાયએસપી સામે તાત્કાલિક અસરથી પગલા ભરવાની માંગ કરી હતી. મુલાકાત પહેલા ડિમ્પલ બાએ મીડિયા સાથે વાતચીત કરી હતી અને કહ્યું હતું કે, પોલીસ તંત્ર હાલમાં કાર્યવાહી કરી રહ્યું છે, એટલે મેં આત્મવિલોપનનો નિર્ણય પરત ખેંચ્યો છે. 15 દિવસમાં જો કોઈ નિર્ણય નહીં આવે તો હું આત્મવિલોપન કરવાની વાત પર મક્કમ છું.

અમદાવાદના ચાંદલોડિયા વિસ્તારમાં ટ્રેની પીએસઆઇએ ખાનગી રિવોલ્વરથી આત્મહત્યા કરી લીધાના બનાવથી પોલીસ બેડામાં ખળભળાટ મચી જવા પામ્યો હતો. વર્ષ 2017-18 પીએસઆઈની ભરતીમાં પ્રથમ આવેલ દેવેન્દ્ર રાઠોડએ ખાનગી રિવોલ્વરથી પોતાના ઘરે આત્મહત્યા કરી લીધી છે. જેમાં  ડીવાયએસપી એન.પી.પટેલનું નામ આવ્યું હતું. પરંતુ મામલે કોઈ તપાસ થતા પીએસઆઈ દેવેન્દ્ર રાઠોડની પત્ની ડિમ્પલ બાએ આત્મવિલોપનની ચીમકી આપી હતી. તેમના સપોર્ટમાં ક્ષત્રિય મહિલા સંગઠન પણ આવ્યું છે.

આજે સ્વર્ગસ્થ દેવેન્દ્ર રાઠોડની પત્ની ડિમ્પલબા રાઠોડ સચિવાલય પહોંચ્યા હતા, અને સમગ્ર કેસની ન્યાયિક તપાસ થાય તેવી માંગણી સાથે આવેદનપત્ર આપ્યું હતું. તેમણે કહ્યું હતું કે, પોલીસ તંત્ર હરકતમાં આવ્યું છે. તેથી મેં આત્મવિલોપન કરવાની જે ચીમકી આપી હતી તે હું પાછી ખેંચી છું. મને આશા છે કે પોલીસ હરકતમાં આવી છે તેના કારણે કાર્યવાહી કરશે. જો પોલીસ કાર્યવાહી નહીં કરે તો પંદર દિવસ પછી હું ફરી પાછી બાબત પર મક્કમ છું. હું મારા પતિ માટે ન્યાય માગું છું ત્યારે પ્રકારનો પોલીસ બંદોબસ્ત ગોઠવી દેવામાં આવ્યો છે. જે બંદોબસ્ત આતંકવાદીઓ માટે પણ ગોઠવી દેવામાં આવતો નથી. ડીવાયએસપી પટેલ અત્યારે ઓન ડ્યુટી છે આમ છતાં તેની ધરપકડ પણ કરવામાં નથી આવતી. ડીવાયએસપી માથાભારે છે એટલા માટે તેને સામે કોઇ કાર્યવાહી કરતી નથી, સરકાર તેને બચાવવા માટેના પ્રયત્ન કરે છે. મને ન્યાય નહીં આપો તો મારે ચોક્કસ વિચાર કરવો પડશે.

તો બીજી તરફ, ક્ષત્રિય મહિલા સંગઠનના પ્રમુખ ગીતા બાએ કહ્યું કે, ક્ષત્રિય મહિલા સંગઠન ડિમ્પલ બાની પડખે છે. ડિમ્પલ બા જે પગલું ભરશે, તેમાં ક્ષત્રિય મહિલા સંગઠન પણ સહયોગ આપશે.

(5:30 pm IST)
  • છત્તીસગઢ : સુકચા જીલ્લામાં IED બ્લાસ્ટર : જીલ્લા રિઝર્વ ગાર્ડના બે જવાનોને ઇજા access_time 11:25 am IST

  • નવજોતસિંહ સિદ્ધુએ ભાજપ અને કોંગ્રેસ બંને પાર્ટીઓને અપમાનિત કરી : હવે ઇમરાનની પાર્ટી જોઇન કર્યા સિવાય કોઇ વિકલ્પ નથી: અનિલ વિજનો વ્યંગ:હરિયાણા સરકારના સ્વાસ્થય અને રમત મંત્રી અનિલ વીજે કોંગ્રેસ નેતા નવજોત સિંહ સિદ્ધુ પર નિશાન સાધ્યું :વીજે કહ્યું કે, સિદ્ધુએ ભાજપ અને કોંગ્રેસ બંન્ને પાર્ટીઓને અપમાનીત કરી છે. એવામાં તેની પાસે પાકિસ્તાનના વડાપ્રધાન ઇમરાન ખાનની પાર્ટી તહરીક એ ઇંસાફમાં જવાનો જ વિકલ્પ બચે છે access_time 12:34 am IST

  • રાજકોટમાં ૪૦.૨ ડીગ્રીઃ ૨૨ કિ.મી.ની ઝડપે પવન ફૂંકાઈ રહ્યા છે access_time 3:39 pm IST