Gujarati News

Gujarati News

News of Monday, 21st May 2018

વાલિયા પોલીસે ભાલોદથી પશુઓને મહારાષ્ટ્ર કતલખાને લઇ જતી ટ્રક ઝડપી :14 ભેંસોને બચાવી

 

વાલિયા પોલીસે ભાલોદથી મહારાષ્ટ્રનાં માંલેગાંવ સ્થિત કતલખાને લઈ જવાતી ૧૪ જેટલી ભેંસો ભરી જતી ટ્રકને ઝડપી પાડી તમામ ભેંસોને બચાવી હતી.

   અંગે  મળતી વિગત મુજબ વાલિયા પોલીસ મથકની ટીમ પેટ્રોલીંગમાં હતી. દરમિયાન સીતારામ કોલેજ પાસે એક ટ્રક નં.(જી.જે.-૦૯-વાય-૯૭૭૪) આવતા તેને શંકાના આધારે રોકી ટ્રકની તલાસી લેતા અંદર ખીચોખીચ ૧૪ જેટલી ભેંસોને બાંધી રખાયેલ જોવા મળી જેથી પોલીસે નર્મદા જિલ્લાના સેલંબાના દિલાવર ઇબ્રાહિમ ફકીર, સુરત જિલ્લાના ઝંખવાવના અકરમ નાથુ મુલતાની અને ઝઘડીયા તાલુકાના ભાલોદ ગામના ઝાકીર હનીફ રહેમાનની સઘન પુછપરછ કરતા ભેંસો તેઓ ભાલોદથી મહારાષ્ટ્રના માલેગાંવ ખાતેના કતલા ખાને લઈ જતા હતા. પોલીસે ટ્રકમાં બંધાયેલ ૧૪ જેટલી ભેંસોને મુકત કરી તેમને પાંજરાપોળ મોકલવા વ્યવસ્થા કરી હતી.

  વાલિયા પોલીસે ૧૪ ભેંસોની અંદાજીત કિંમત રૂપિયા લાખ ૮૦ હજાર તેમજ ટ્રકની કિંમત રૂપિયા૯ લાખ મળી કુલ ૧૧ લાખ ૮૦ હજારનો મુદ્દામાલ કબ્જે કરી ઝડપાયેલ ત્રણેય  આરોપી વિરૂધગુનો નોંધિ કાયદેસરની કાર્યવાહી હાથ ધરી છે.

(10:00 pm IST)
  • MPમાં કોંગ્રેસ મુખ્યમંત્રીપદનો ચહેરો જાહેર નહિ કરે : મધ્ય પ્રદેશમાં મુખ્યમંત્રી પદનો ચહેરો જાહેર કર્યા વગર કોંગ્રેસ ચૂંટણી લડશેઃ કમલનાથઃ સૂત્રો કહે છે, કમલનાથ અને જયોતિરાદિત્ય જૂથો વચ્ચે જોરદાર વિવાદ ચાલે છેઃ દિગ્વીજયસિંહે પણ નવો મોરચો ખોલ્યો છે access_time 3:42 pm IST

  • આગામી ત્રણ-ચાર દિવસમાં ચોમાસુ દક્ષિણ-પશ્ચિમ વિસ્તારોમાં દસ્તક દેશે :વાવાઝોડું થંભી ગયું -ઓમાન અને યમન તરફ ફંટાયું :સાયક્લોનનું વલણ પણ બદલાઈ ગયું :ત્રણ-ચાર દિવસ વાવાઝોડાની શક્યતા નથી પરંતુ ગરમીનું જોર યથાવત રહેશે access_time 8:15 pm IST

  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST