Gujarati News

Gujarati News

News of Monday, 21st May 2018

વડોદરામાં આરટીઇ અંતર્ગત ૨૦૦૦ વિદ્યાર્થીઓને પહેલા ધોરણમાં પ્રવેશ ન અપાતા વાલીઓ અને કોંગ્રેસ દ્વારા હોબાળો

વડોદરાઃ શહેરમાં RTE અંતર્ગત બે હજાર જેટલાં વિધાર્થીઓને પ્રવેશ ન અપાતા DEO કચેરી પર હલ્લાબોલ મચાવવામાં આવ્યો હતો. વાલીઓ અને કોંગ્રેસે ભારે હોબાળો મચાવ્યો હતો.

મોટી સંખ્યામાં વાલીઓએ સૂત્રોચ્ચાર કરીને ઉગ્ર દેખાવ કર્યો હતો. આ હોબાળામાં પ્રવેશથી વંચિત વિધાર્થીઓનાં વાલીઓ જોડાયા હતાં. ઉલ્લેખનીય છે કે, RTE અંતર્ગત વડોદરાનાં બે હજાર વિધાર્થીઓને પ્રવેશ અપાયો નથી.

જે રીતે RTEની પરિક્ષાનાં પરિણામો જાહેર થયાં છે અને જે રીતે વિદ્યાર્થીઓને પ્રવેશ આપવામાં આવે છે તે વિદ્યાર્થીઓ અને વાલીઓ જે-તે સ્કૂલમાં પ્રવેશ લેવા માટે જઇ રહ્યાં છે પરંતુ વડોદરાની કેટલીક શાળાઓ એવી પણ છે કે જે વિદ્યાર્થીઓને પ્રવેશ આપવા માટે આનાકાની કરી રહી છે.

કેટલાંક વાલીઓ તો શાળાએથી પરત ફર્યા હતા કેમ કે તેઓને અંદર પ્રવેશ આપવામાં ન હોતો આવ્યો. જેથી તેને લઇને આજે DEO કચેરી ખાતે કેટલાંક વાલીઓ અને કોંગ્રેસનાં કાર્યકર્તાઓ ત્યાં પહોંચ્યાં હતાં અને DEO કચેરી ખાતે હોબાળો કરીને રજૂઆત કરવામાં આવી હતી કે DEO કચેરી આમાં મધ્યસ્થી કરે અને આવાં બાળકોને એડમીશન આપે.

(7:29 pm IST)
  • ઋષિકેશ-ચારધામ યાત્રામાં 90 નવી બસ સામેલ કરાશે : ચારધામ યાત્રા જોરશોરથી શરુ છે એવામાં પરિવહન વિભાગ પણ પોતાની તરફથી યાત્રાના સફળ સંચાલન માટે ગંભીર છે ચાર ધામ યાત્રામાં આવેલા યાત્રિકોને કોઈ સમસ્યા થાય નહીં એટલા માટે પરિવહન નિગમ બસનો નવો કાફલો જોડવા જઈ રહયું છે access_time 5:43 am IST

  • એફ્રોએશિયા બેંક ગ્લોબલ વેલ્થ માઇગ્રેશન રિવ્યુ' ના હેવાલ મુજબ 8,230 અબજ ડોલરની સંપત્તિ સાથે ભારત વિશ્વનો છઠ્ઠો સૌથી ધનિક દેશ છે. આ યાદીમાં અમેરિકા 62,584 અબજ ડોલરની સંપત્તિ સાથે ટોચ પર છે. ત્યાર બાદ 24,803 અબજ ડોલરની સંપત્તિ સાથે ચીન બીજા ક્રમે અને 19,522 અબજ ડોલરની સંપત્તિ સાથે જાપાન ત્રીજા ક્રમે છે. access_time 5:52 am IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST