Gujarati News

Gujarati News

News of Monday, 21st May 2018

પંચમહાલ જીલ્લામાં વાંસ કાપવા જેવી નજીવી બાબતે પુત્રએ પિતાને લાકડાના ફટકા મારી મોતને ઘાટ ઉતાર્યા

પંચમહાલ: જિલ્લાના શહેરા તાલુકાના ધામણોદ ગામે ખેતરમાં વાંસ કાપવાની નજીવી તકરારમા પુત્રએ લાકડાના ફટકા મારી પિતાને મોતને ઘાટ ઉતારી દેતા ચકચાર મચી જવા પામી છે. હત્યારા પુત્રને પોલીસે પકડી પાડી જેલનાં સળિયા પાછળ ધકેલી દીધો હતો.

શહેરા તાલુકાના ધામણોદ ગામે રહેતા ભૂરાભાઈ મનજી બારીઆ અને પુત્ર જસવંત વચ્ચે ખેતરમાં વાસના લાકડા કાપવા બાબતે તકરાર ઉભી થઈ હતી જે તકરાર ઉગ્ર બનતા ઉશ્કેરાયેલા પુત્રેએ પોતાના પિતાને શરીર માથાના ભાગે લાકડીના ફટકા ઝીકી દીધા હતા. 70 વર્ષીય ભૂરા ભાઈને માથાના ભાગે ગંભીર ઇજા પહોંચતા તેમનું મોત થયું હતું. પિતાની હત્યા કર્યા બાદ કળીયુગી પુત્ર ઘટનાસ્થળેથી ફરાર થઈ ગયો હતો.

બનાવની જાણ પરિજનો મૃતકનાં ઘરે દોડી આવ્યા હતા. આ અંગે પોલીસ ને જાણ કરતા પોલીસ ઘટના સ્થળ પર આવીને તપાસ હાથ ધરી હતી. આ મામલે મરણજનારની પત્ની રેવાબેન દ્વારા પુત્ર સામે ફરિયાદ નોંધાવતા શહેરા પોલીસે જસવંત બારીયા સામે હત્યાનો ગુનો નોધયો હતો. પોલીસે હત્યારા પુત્રની તેના ગામ ધામણોદથી પકડી પાડીને પોતાના પિતાનાં ખૂનમાં જેલના સળિયા પાછળ ધકેલી દીધો હતો.

(5:34 pm IST)
  • સુરત : કામરેજમાં ગોલ્ડન પ્લાઝા શાક માર્કેટ પાસે ટ્રિપલ મર્ડરનો આરોપી ગૌતમ ગોયાણી ઉર્ફે ગોલ્ડનની મોડી રાત્રે કરાઈ હત્યા : કામરેજ પોલીસે તપાસ શરૂ કરી : કિશન ખોખર અને તેના સાગરીતો દ્વારા હત્યા કરવામાં આવી હોવાની આશંકા : જમીનના ઝઘડામાં ગૌતમે 3 હત્યા કરી હતી access_time 11:19 am IST

  • રાત્રે 9.30 કલાકે રાજકોટમાં મહર્ષિ અરવિંદ ટાઉનશીપમાં પાણીનો ટાંકો ફાટ્યો :ટાઉનશીપના સાતમા માળે આવેલ પાંચ હજાર લિટરનો ટાંકો અચાનક ફાટી ગયો :પોપટપરા મુખ્યમંત્રી આવાસ યોજનામાં વધુ એક પાણીનો ટાંકો ફાટતા લોકોમાં કચવાટ ;વધુ વિગત મેળવાઈ રહી છે access_time 9:57 pm IST

  • કર્ણાટકમાં ભાજપ કરશે કમબેક ?:કુમારસ્વામીના શપથ પહેલા જ કોંગ્રેસ-જેડીએસ વચ્ચે ડખ્ખો :નાયબ મુખ્યમંત્રી પદ માટે કોંગ્રેસમાં પણ અસંતોષ ભભૂક્યો :બન્ને પક્ષના નેતાઓ વચ્ચેના મતભેદોને કારણે જનાધાર મજબૂત થવાની શકયતા ઓછી:ભાજપને વિશ્વાસ છે કે, કોંગ્રેસ-જેડીએસ ગઠબંધનમાં 'મતભેદો'ને કારણે રાજ્યમાં કમબેક કરી શકે છે: કોંગ્રેસ-જેડીએસ પક્ષના ટોચના નેતાઓ વચ્ચે મતભેદોને કારણે તેમનો જનાધાર મજબૂત નહિ થાય access_time 1:59 pm IST