Gujarati News

Gujarati News

News of Monday, 21st May 2018

ઠાસરામાં એટીએમ મશીન તોડી કેશ ચોરીની ઘટનામાં પોલીસે એફએસએલની મદદ લીધી

નડિયાદ:ઠાસરામાં એટીએમ મશીન તોડી તેમાંથી કેશની ચોરી કરવાની ઘટનાએ પુરા પંથકમાં ચકચાર જગાવી છે. પોલીસે બીજા દિવસે તસ્કરો સુધી પહોંચવા માટે ડોગ સ્કર્વોડ અને એફએસએલની મદદ લીધી છે.
ઠાસરાના મુખ્ય બજાર વિસ્તારમાં ટાવર પાસે આવેલ એસબીઆઈના એટીએમમાં ગત્ વહેલી સવારે તસ્કરોએ પ્રવેશી મશીનમાં મૂકેલ કેશની ચોરી કરી છે. સીસીટીવીમાં કેદ થયેલા અજાણ્યા ચાર ઈસમોએ એટીએમ મશીન તોડી રૂ.૬,૪૩,૨૦૦/-ના મત્તાની ચોરી કરી પલાયન થઈ ગયા છે.

ઘટનાના ચોવીસ ક્લાક  બાદ પોલીસે પગેરુ શોધવા  રવિવારે ડોગ ર્સ્ક્વોડ અને એફએસએલની મદદ મેળવી આરોપીઓ સુધી પહોંચવા પ્રયત્નો કર્યા છે. અત્રે ઉલ્લેખનીય છે કે ગાડીમાં આવેલા તસ્કરોએ પહેલા સીસીટીવીને તોડયા બાદમાં ચોરીને અંજામ આપ્યો હતો.

આ અંગે તપાસ અધિકારીને પુછતા તેઓએ જણાવ્યું હતું કે આરોપીઓને શોધવા હાલ પોલીસ  સેવાલીયા ચેક પોસ્ટ અને એક્સપ્રેસ હાઈવે ટોલ બુથના સીસીટીવી ફુટેજ મેળવી રહી છે. ઉપરાંત  અમદાવાદ-ઈન્દોર હાઈવે ઉપર પણ વાહન ચેકીંગ સધન કરવામાં આવ્યું છે.

(5:31 pm IST)
  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST

  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST

  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST