Gujarati News

Gujarati News

News of Sunday, 20th May 2018

આણંદ નવા બસ સ્ટેન્ડ પાસેથી રીઢો ચોર ઝડપાયો : બે ગુન્હા કબુલ્યા : ત્રણ મોબાઈલ - નવ કેમેરા જપ્ત

મૂળ રાજસ્થાની અને હાલમાં બોરસદનો વિજય રાઠીને 1,66 લાખના મુદામાલ સાથે પકડી લેવાયો

આણંદ નવા બસ સ્ટેન્ડ પાસેથી રીઢો ચોર ઝડપાયો : બે ગુન્હા કબુલ્યા : ત્રણ મોબાઈલ - નવ કેમેરા જપ્ત

આણંદ: શહેર પોલીસે નવા બસસ્ટેન્ડ પાસેથી એક રીઢા ઘરફોડીયાને ઝડપી પાડીને બે ચોરીઓનો ભેદ ઉકેલી નાંખ્યો છે.પોલીસે કુલ ૧.૬૬ લાખ ઉપરાંતનો મુદ્દામાલ જપ્ત કરીને કાર્યવાહી હાથ ઘરી છે.

   મળતી વિગતો મુજબ શહેરમાં પેટ્રોલીંગમાં રહેલી પોલીસને બાતમી મળી કે નવા બસસ્ટેન્ડ પાસે આવેલી વીણા મોબાઈલ શોપ પાસે એક શખ્સ ચોરીનો મોબાઈલ ફોન વેચવા માટે આવવાનો છે જેથી પોલીસે વોચ ગોઠવી દીધી હતી. દરમ્યાન એક મહેન્દ્ર ડ્યુરો ઉપર એક શકમંદ આવી ચઢતાં પોલીસે તેને અટકમાં લઈ ડીકીની તલાશી લેતાં અંદરથી ત્રણ મોબાઈલ તથા અલગ-અલગ કંપનીના નવ કેમેરા મળી આવ્યા હતા. જેથી આ બાબતે પૂછતાં કોઈ સંતોષકારક જવાબ આપી શક્યો નહોતો જેથી તેનું નામઠામ પુછતાં તે મુળ રાજસ્થાનનો પરંતુ હાલમાં બોરસદ ખાતે રહેતો વિજયકુમાર જયશંકરભાઈ રાઠી હોવાનું ખુલવા પામ્યું હતુ.

     તેને પોલીસ મથકે લાવીને આકરી પુછપરછ કરતાં પકડાયેલો મુદ્દામાલ ચોરીનો હોવાની કબુલાત કરી હતી.તેણે પોતાના સાથીદાર મુકેશ પ્રજાપતિ સાથે મળીને પંદર દિવસ પહેલા આણંદ-વિદ્યાનગર રોડ ઉપર આવેલી સ્માઈલ મોબાઈલ શોપના તાળા તોડીને ચોરી કરી હતી. ત્યારબાદ આણંદની લ-મી ચાર રસ્તા પાસે આવેલા દર્પણ સ્ટુડીયોના તાળા તોડીને જુદી-જુદી કંપનીઓના કુલ ૯ કેમેરા કે જેની કિંમત ૬૧ હજાર રૂપિયા જેટલી થવા જાય છે તેની પણ ચોરી કર્યાની કબુલાત કરી હતી. પોલીસે તેની પાસેથી કુલ ૧.૬૬ લાખનો મુદ્દામાલ જપ્ત કરીને વધુ તપાસ અર્થે રીમાન્ડ પર મેળવવાની તજવીજ હાથ ઘરી છે. પોલીસના જણાવ્યા અનુસાર બન્ને શખ્સો રીઢા ઘરફોડીયાઓ છે અને અગાઉ સુરત, મહેસાણા સહિતના શહેરોમાં પણ ચોરીઓ કરી હોવાનું ખુલવા પામ્યું છે.

 

(6:07 am IST)
  • ઋષિકેશ-ચારધામ યાત્રામાં 90 નવી બસ સામેલ કરાશે : ચારધામ યાત્રા જોરશોરથી શરુ છે એવામાં પરિવહન વિભાગ પણ પોતાની તરફથી યાત્રાના સફળ સંચાલન માટે ગંભીર છે ચાર ધામ યાત્રામાં આવેલા યાત્રિકોને કોઈ સમસ્યા થાય નહીં એટલા માટે પરિવહન નિગમ બસનો નવો કાફલો જોડવા જઈ રહયું છે access_time 5:43 am IST

  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST