Gujarati News

Gujarati News

News of Wednesday, 21st April 2021

અપહરણ કર્યા બાદ ડ્રગ્સ આપી ગેંગરેપ આચરનારા ત્રણ ઝબ્બે

હેવાનોની હેવાનિયત બાદ મહિલાનું મોત નીપજ્યું : મહિલાને નશો થઈ જતાં તે બેભાન થવા લાગી અને ત્રણેય શખ્સ તેને એક મકાનમાં લઈ જઈ સામુહિક દુષ્કર્મ આચર્યું

અમદાવાદ,તા.૨૧ : શહેરના દાણીલીમડા વિસ્તારમાં મહિલાનું રિક્ષામાં અપહરણ કર્યા બાદ ડ્રગ્સ આપીને દુષ્કર્મ આચરનારા ૩ શખ્સોની પોલીસે ધરપકડ કરી છે. પ્રાપ્ત વિગતો મુજબ સામુહિક દુષ્કર્મ બાદ મહિલાનું મોત થઈ ગયું હતું. જે સંદર્ભે ક્રાઈમ બ્રાન્ચે ત્રણેય હવસખોરને ઝડપી લઈ દાણીલીમડા પોલીસને સોંપ્યા હતા. ત્યારબાદ દાણીલીમડા પોલીસે દુષ્કર્મ અને હત્યાના ગુનો નોંધીને કડક કાર્યવાહી હાથ ધરી છે. ઘટનાની વિગત એવી છે કે, મૂળ નેપાળની મહિલા તેના પતિ અને બે બાળકો સાથે દાણીલીમડામાં રહેતી હતી. મહિલા અને તેનો પતિ મજૂરી કામ કરીને પરિવારનું ગુજરાન ચલાવતા હતા. આ દરમિયાન એક દિવસ પતિ કામ પર ગયો હતો ત્યયારે મહિલા તેના બંને બાળકોને પાડોશીને ત્યાં મૂકીને કામ પર જવા માટે રવાના થઈ. ચંડોળા તળાવ પાસે રિક્ષાની રાહ જોતી હતી ત્યારે એખ રિક્ષામાં ત્રણ શખ્સ રાજુ સોલંકી, ઈમરાન અને શકીમ આવ્યા અને મહિલાને જબરજસ્તી રિક્ષામાં બેસાડીને ડ્રગ્સ પીવડાવ્યું હતું. મહિલાને નશો થઈ જતાં તે બેભાન થવા લાગી અને ત્રણેય શખ્સ તેને દાણીલીમડામાં એક મકાનમાં લઈ જઈ સામુહિક દુષ્કર્મ આચર્યું હતું.

            બીજા દિવસે મહિલાને હોશ આવતા તેને ગુપ્તાંગમાં અસહ્ય દુઃખાવો થતો હતો. જેથી મહિલા બૂમો પાડવા લાગી. જો કે, ત્રણેય શખ્સોએ તેના મોઢામાં રૂમાલનો ડૂચો નાખી દીધો અને તેને બાંધી દીધી, જેને કારણે ગૂંગળામણને કારણે મહિલાનું મોત નીપજ્યું હતું. ત્યારબાદ ત્રણેય શખ્સ મહિલાને અર્ધનગ્ન હાલતમાં ત્યાં જ મૂકીને ફરાર થઈ ગયા હતા. ખુલ્લા મકાનમાં મહિલાનો મૃતદેહ પડ્યો હોવાની વાત પ્રસરતા સ્થાનિકોએ પોલીસને જાણ કરી હતી. બનાવની જાણ થતાં જ ક્રાઈમ બ્રાન્ચ સહિતનો પોલીસ કાફલો ઘટનાસ્થળે પહોંચી ગયો હતો. પોલીસે રાજુ સોલંકીને ઝડપીને કડક પૂછપરછ કરતા તેને પોતાનો ગૂનો કબૂલ્યો હતો. રાજુની કબૂલાત બાદ ક્રાઈમ બ્રાન્ચે શકીલ અને ઈમરાનને પણ ઝડપી લીધા હતા અને ત્રણેયને દાણીલીમડા પોલીસને સોંપી દીધા હતા. હાલ પોલીસે ત્રણેય સામે દુષ્કર્મ અને હત્યાનો ગુનો નોંધી વધુ તપાસ હાથ ધરી છે. સૂત્રો પાસેથી પ્રાપ્ત માહિતી મુજબ મેડિકલમાંથી ડ્રગ્સ લાવ્યા બાદ મહિલાને ડ્રગ્સ આપીને નશાની હાલતમાં મહિલાને નિર્વસ્ત્ર કરીને વારાફરથી રાજુ, ઈમરાન અને શકીલ ત્રણેયે દુષ્કર્મ આચર્યું હતું. આ દરમિયાન એક હવસખોર મહિલાના શરીરને પીંખતો હતો ત્યારે બીજો હવસખોર દુષ્કર્મનો મોબાઈલમાં વિડીયો ઉતારતો હોવાનું પોલીસ તપાસમાં બહાર આવ્યું છે. આરોપીઓના ફોન કબજે કરીને એફએસએલમાં મોકલાયા છે.

(7:43 pm IST)
  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • ઉત્તર ગુજરાતના કેટલાક ભાગોમાં બપોર બાદ તોફાની પવન સાથે વરસાદની સંભાવના : ગુજરાતના અનેક શહેરોમાં મહત્તમ તાપમાનમાં એકથી ત્રણ ડિગ્રીનો ઘટાડો નોંધાયો છેઃ ઉત્તર ગુજરાતના બનાસકાંઠા, પાટણ અને કચ્છના અમુક ભાગોમાં આજે બપોર બાદ તોફાની પવન અને ગાજવીજ સાથે વરસાદની સંભાવના છે access_time 4:07 pm IST

  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST