Gujarati News

Gujarati News

News of Wednesday, 21st April 2021

સાબરકાંઠા જિલ્લામાં કોરોના વાયરસથી વધતી ચેઇન તોડવા માટે લોકોએ 12 દિવસનું સ્વયંભૂ લોકડાઉનનો કર્યો નિર્ણય

સાબરકાંઠા:જિલ્લામાં કોરોનાની સ્થિતિ કાબુ બહાર જઈને વણસી રહી છે ત્યારે પ્રજામાં જાગૃતિ આવે તે જરૂરી હોવા છતાં લોકો બેફીકર હિંમતનગર સહિત જિલ્લાના અન્ય તાલુકા મથકે નિયમોનો ભંગ કરીને ટહેલી રહ્યા છે. જેના લીધે કોરોનાનું સંક્રમણ વધવાની પુરી શક્યતા છે.

દરમિયાન કોરોનાને નાથવા માટે મંગળવારે જિલ્લા કલેક્ટરે સરપંચ એસોસિએશનો સાથે બેઠક યોજીને ગામડાઓમાં સ્વૈચ્છિક લોકડાઉન લાદવા અપીલ કરી છે. જેનો અમલ તા.૨૧ એપ્રિલથી ૨ મે સુધી રાખવા જણવ્યુ છે અને જો કોઈ નિયમનો ભંગ કરે તો સરપંચ તેની વિરૂધ્ધ દંડનીય કાર્યવાહી કરી શકશે. ઉપરાંત ધાર્મિક અને સામાજીક સહિત લગ્નના મેળાવડાઓ પણ મોકુફ રાખે તે ઈચ્છનીય છે.

 જિલ્લા કલેક્ટર ર્ડા.રાજેન્દ્ર પટેલે સરપંચ અસોસિએશન સાથે કરેલી બેઠક બાદ જણાવ્યુ છે કે જિલ્લામાં કોરોનાની સ્થિતી ચિંતાજનક રીતે વિકટ બની રહી છે. જેના લીધે ખાસ કરીને ગામડાઓમાં તેની વિપરીત અસરો થાય તે અગાઉ સરપંચે ગ્રામજનો સાથે ચર્ચા કરીને સ્વયંભૂ લોકડાઉનનો તા.૨૧ એપ્રિલથી અમલ કરવો પડશે અને આ લોકડાઉન તા.૨ મે સુધી ચાલુ રાખવુ પડશે. ગામમાં જો કોઈ કોરોના પોઝેટીવનો કેસ જણાય તો તેને હોસ્પિટલોમાં જવાની જરૂર ન હોય તો તેના માટે ગામની સ્કૂલ, પ્રાથમિક શાળા અને જાહેર મિલ્કતનો ઉપયોગ કરીને કામચલાઉ વ્યવસ્થા ઉભી કરાશે.

(5:05 pm IST)
  • કેન્દ્રીય સંરક્ષણ પ્રધાન રાજનાથસિંહના કાર્યાલયમાં મંત્રણાનો દોર શરૂ : જે રાજયોમાં કોરોનાની પરિસ્થિતિ બેકાબુ બની છે તે રાજયોની આર્મી હોસ્પિટલને કોવિડ હોસ્પિટલમાં ફેરવી આમ પ્રજા માટે ખુલ્લી મૂકવામાં આવે તેવા વિચાર કરી રહ્યા છે access_time 12:43 pm IST

  • આજે રાજકોટ કોર્પોરેશને સાંજે જે નવા કોરોના કેસની યાદી બહાર પાડી છે તેમા અને ગાંધીનગરથી છેલ્લા 24 કલાક ના નવા કોરોના કેસના અકડાઓમાં વિસંગતતા જણાતા અકિલા એ રાજકોટ મ્યુ. કમિશ્નર શ્રી ઉદિત અગ્રવાલ ને આ બાબતે પૂછતાં તેમણે સ્પષ્ટતા કરી હતી કે રાજકોટ કોર્પોરેશને સાંજે જે આંકડાઓ દર્શાવ્યા છે તે છેલ્લા 24 કલાકના છે, નહિ કે બપોરથી સાંજના. એટલે રાજકોટ શહેરમાં છેલ્લા 24 કલાકમાં 397 નવા કોરોના કેસ નોંધાયાનું શ્રી ઉદિત અગ્રવાલે અકિલા ને જણાવ્યું છે. access_time 9:23 pm IST

  • આયુષ મંત્રાલયના નિર્દેશોના પગલે, ગુજરાતના ફૂડ એન્ડ ડ્રગ કંટ્રોલ એડમિનિસ્ટ્રેશન દ્વારા ગેરમાર્ગે દોરેલા દાવા બદલ રાજકોટ સ્થિત ઉત્પાદકને સમન્સ પાઠવવામાં આવ્યા છે, જેમણે કહ્યું છે કે તેમનું ઉત્પાદન 'આયુધ એડવાન્સ' એ 'કોવિડ ટ્રીટમેન્ટ માટે પહેલી ક્લિનિકલ રીતે ચકાસાયેલ દવા' છે અને તે રિમડેસિવીર કરતા ત્રણ ગણી સારી છે : PIB access_time 10:06 am IST