Gujarati News

Gujarati News

News of Wednesday, 21st April 2021

અમદાવાદ મનપાની કાર્યવાહી: ખાનગી ઑફિસોમાં 50 ટકા સ્ટાફ બોલાવવાના હુકમનું પાલન ન કરનાર 2 ઓફિસો સીલ

ટેક્સ ડિપાર્ટમેન્ટ અને AMTS ડિપાર્ટમેન્ટની ટીમ દ્વારા 390 જેટલી ખાનગી ઑફિસો અને સંસ્થાઓમાં કર્મચારીઓની હાજરીનું ચેકીંગ

અમદાવાદ : કોરોનાના કેસોમાં પ્રચંડ વધારો થઈ રહ્યો છે. જેને ધ્યાનમાં રાખીને અમદાવાદ મ્યુનિસિપલ કોર્પોરેશન દ્વારા શહેરમાં આવેલી તમામ પ્રકારની ખાનગી ઑફિસો, ખાનગી સંસ્થાઓ, એકમોમાં કર્મચારીઓની સંખ્યા 50 ટકા જ સ્ટાફ બોલાવવા માટેનો હુકમ કર્યો હતો.જે અનુસંધાને આજે ટેક્સ ડિપાર્ટમેન્ટ અને AMTS ડિપાર્ટમેન્ટની ટીમ દ્વારા 390 જેટલી ખાનગી ઑફિસો અને સંસ્થાઓમાં કર્મચારીઓની હાજરીનું ચેકીંગ હાથ ધર્યું હતું. ચેકીંગ દરમિયાન 2 ઑફિસોમાં 50 ટકા કરતા વધુ સ્ટાફ જોવા મળ્યો હતો. જેથી આ ઑફિસોને સીલ કરવામાં આવી છે. તેમજ નોટિસ પણ આપવામાં આવી છે.

 

આગામી દિવસોમાં AMC ની ટીમ દ્વારા ઓફીસોમાં 50% સ્ટાફ અને કોરોનાની ગાઇડલાઇનનું પાલન અંગે ચેકીંગ હાથ ધરવામાં આવશે.

સીલ કરવામાં આવેલી ઓફિસમાં મેઘમણી હાઉસ, કોર્પોરેટ રોડ, પ્રહલાદ નગરઅને વીરા ગોલ્ડ, નિરંત ક્રોસીંગ, વસ્ત્રાલનો સમાવેશ થાય છે

(9:59 pm IST)
  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST

  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST

  • દેશમાં હાહાકાર મચી ગયો : છેલ્લા 24 કલાકમાં ભારતમાં ઓલટાઈમ રેકર્ડબ્રેક 3 લાખથી વધુ નવા કોરોના કેસ નોંધાયા અને 2050 થી વધુ દુઃખદ મૃત્યુ નોંધાયા : લોકો ખળભળી ઉઠ્યા access_time 11:23 pm IST