Gujarati News

Gujarati News

News of Saturday, 21st April 2018

સુરતના ચકચારી 12 કરોડના બિટકોઇન મામલે ત્રણ આરોપીઓની જામીન અરજીમાં અમદાવાદ શન્સ કોર્ટે ચુકાદો અનામત રાખ્યો

બીટકોઈન મામલે ઝડપાયેલા ત્રણ આરોપીઓ તરફથી સેશન્સ કોર્ટમાં જામીન અરજી કરવામાં આવી હતી. જામીન અરજીમાં ઉલ્લેખ કરવામાં આવ્યો છે કે બીટકોઇનમાં તેમનો કોઇ રોલ નથી અને ખોટી રીતે સંડોવવામાં આવ્યા છે. જેથી જામીન મળવા જોઇએ. મામલે સરકાર તરફથી રજુઆત કરવામાં આવી હતી કે આરોપીઓને જામીન મંજુર કરવામાં આવે તો આરોપીઓ પુરાવાની સાથે ચેડા કરી શકે છે. જેથી જામીન મંજુર કરવા જોઇએ.

બંને પક્ષોની દલીલો સાંભળી સેશન્સ કોર્ટે ચુકાદો અનામત રાખ્યો છે. તો બીજી તરફ તપાસ અધિકારી દ્વારા આરોપી કેતન પટેલના વધુ 5 દિવસના રીમાન્ડની માંગ કરવામાં આવી હતી. જેથી કોર્ટે એક દિવસના રિમાન્ડની મંજુરી આપી હતી. અમરેલીના પીઆઇ અનંત પટેલની ધરપકડ બાદ અનંત પટેલે તેનો મોબાઇલ કેતન પટેલ પાસે હોવાનું જણાવ્યું હતુ. જોકે કેતન પટેલે મોબાઇલ અનંત પટેલના માણસો લઇ ગયા હોવાનું પોલીસ તપાસમાં લખાવ્યું હતું. બંનેની પૂછપરછમાં વિરોધાભાસ થતા તપાસ અધિકારીએ રીમાન્ડની માંગ કરી હતી. ઉલેખનીય છે કે ગુજરાત સીઆઇડી ક્રાઇમ બ્રાન્ચે 12 કરોડના બિટકોઇન મામલે ગુનો નોંધ્યા બાદ અમરેલીના બે કોન્સ્ટેબલ અને એક વકીલની ધરપકડ કરી હતી.

(11:43 pm IST)
  • વાપીમાં ભત્રીજાના હાથે કાકાની હત્યાઃ વાપી ટાઉનનાં હનુમાન ફળીયા વિસ્તારમાં નશાની હાલતમાં ભત્રીજાના હાથે કાકાની હત્યાઃ નજીવી બાબતે ઝઘડો થતા છરી જેવા તિક્ષ્ણ હથીયારોનાં ઘા ઝીંકીને મોતને ઘાટ ઉતારનાર આરોપી ભત્રીજાની ધરપકડ access_time 3:41 pm IST

  • બોલિવૂડ અભિનેત્રી પ્રિયંકા ચોપરાની મરાઠી ફિલ્મ ‘વેન્ટિલેટર’માં ગુજરાતી ટ્વિસ્ટ આપવા માટે અભિનેત્રી જુહી ચાવલા અને અભિનેતા જેકી શ્રોફ તૈયાર છે. વર્ષની શરૂઆતમાં જેકી શ્રોફ ફિલ્મનો ગુજરાતી વર્જનનો હિસ્સો બન્યો હતો. જ્યારે વાસ્તવિક જીવનમાં ગુજરાતની વહુ જુહી ચાવલા પણ જેકી સાથે નજરે પડશે. આ ફિલ્મ સાથે જુહી ગુજરાતી ફિલ્મોમાં તેનો ડેબ્યુ કરશે. જુહીએ ખુલાસો કરતા કહ્યું છે કે, જેકીએ જ તેને કહ્યું હતું કે ગુજરાતી ફિલ્મના પ્રોડ્યુસર્સ તેના રોલ પર વિચાર કરી રહ્યા છે. ફિલ્મમાં જુહી ડો. શ્રોફનું પાત્ર ભજવશે. મરાઠી વર્જનમાં આ રોલ બોમન ઈરાનીએ કર્યો છે. access_time 2:21 am IST

  • નરોડા પાટિયા કેસ મામલે ગુજરાત હાઈકોર્ટનો ચુકાદો આવ્યો છે. કોર્ટે માયા કોડનાનીને પુરાવાના અભાવે દોષ મુક્ત જાહેર કર્યા. હતા જો કે કોર્ટના આ ચુકાદાને લીધે સ્થાનિકોએ ઉગ્ર ભાષામાં વિરોધ કરતાં નિવેદનો આપ્યા હતા. એક સ્થાનિક મહિલાએ રોષ વ્યક્ત કરતા જણાવ્યુ હતુ કે, તેમણે અમારી આંખ સામે અમારા પરિવારના 8 લોકોને રહેંસી નંખાયા હતા. access_time 1:14 am IST