Gujarati News

Gujarati News

News of Saturday, 21st April 2018

નવસારી નજીક વેસ્મામાં તસ્કરોએ મકાનના તાળા તોડી ઘરેણાં સહીત પૈસાની ચોરી કરી

નવસારી:નજીકનાં વેસ્મા ગામે બે રહીશોનાં મકાનને તસ્કરોએ નિશાન બનાવી સોના-ચાંદીના દાગીના અને રોકડ મળી કુલ રૃ. ૧.૧૨ લાખની મત્તાનો હાથફેરો કરી ગયા હતા. જાણભેદુનો હાથ હોવાની શંકા સાથે પોલીસે તપાસના ચક્રો ગતિમાન કર્યા છે. જ્યારે અન્ય એક રહીશનાં ઘરમાં ચોરીનો નિષ્ફળ પ્રયાસ કર્યો હતો.

નવસારી નજીક ને.હા.નં. ૮ ઉપર આવેલા વેસ્મા ગામે અડદી ફળિયામાં રહેતા જયેશભાઇ મણીભાઇ પટેલ કડીયા કામ કરે છે. બુધવારે રાત્રે તેઓ ગામમાં ડાયરાનાં કાર્યક્રમમાં ગયા હતા. બાદમાં રાત્રે ઘરનો દરવાજો ખુલ્લો મુકી ઉંઘી ગયા હતા. દરમ્યાન કોઇ જાણભેદુ તસ્કર તેમના ઘરમાં પ્રવેશી કબાટ ખોલી સોના-ચાંદીના દાગીનામાં બુટ્ટી સાથેનો સેટ, ત્રણ નંગવીંટીઓ, બે જોડ કાનની કડી, બે નંગ પેન્ડલ, એક ચેઇનનો  ટુકડો તેમજ ચાંદીના સાંકળા બે જોડ અને ચાંદીની સાંકળી મળી  કુલ રૃ. ૬૩ હજારની મત્તાના દાગીના ચોરી કરી ફરાર થઇ ગયા હતા.

ત્યારબાદ આ જ ફળિયામાં રહેતા નરેન્દ્રભાઇ મગનભાઇ પટેલના ઘરને તસ્કરોએ નિશાન બનાવતા ઘરના પાછળના ભાગે આવેલી બારીમાંથી પ્રવેશ કરી બેડરૃમનાં કબાટનું લૉક ખોલી સોનાના દાગીનામાં ૩ નંગ વીંટી, બે જડ તથા ચાંદીના બે જોડ સાંકળા, ત્રણ ચાંદીના સિક્કા તેમજ રોકડા રૃ. ૧૮ હજાર મળી  કુલ રૃ. ૩૯ હજારનો મુદ્દામાલ ચોરી ગયા હતા.

(6:07 pm IST)
  • IPL 2018 : ડિ વિલિયર્સે રમી વિસ્ફોટક ઈનિંગ, બેંગ્લોરે દિલ્હીને 6 વિકેટે હરાવ્યું : ડિ વિલિયર્સના તોફાની 90 (39), 10 ચોગ્ગા અને પાંચ છગ્ગા ફટકાર્યા : બેંગ્લોરે દિલ્હીને 6 વિકેટે હરાવ્યું, 12 બોલ બાકી રહેતા જ પાર કર્યો ટાર્ગેટ access_time 11:45 pm IST

  • નરોડા પાટિયા કેસ મામલે ગુજરાત હાઈકોર્ટનો ચુકાદો આવ્યો છે. કોર્ટે માયા કોડનાનીને પુરાવાના અભાવે દોષ મુક્ત જાહેર કર્યા. હતા જો કે કોર્ટના આ ચુકાદાને લીધે સ્થાનિકોએ ઉગ્ર ભાષામાં વિરોધ કરતાં નિવેદનો આપ્યા હતા. એક સ્થાનિક મહિલાએ રોષ વ્યક્ત કરતા જણાવ્યુ હતુ કે, તેમણે અમારી આંખ સામે અમારા પરિવારના 8 લોકોને રહેંસી નંખાયા હતા. access_time 1:14 am IST

  • ખેડા જીલ્લાનાં માતરમાં આવેલી સીમા ઈલક્ટ્રીક કંપનીના કર્મચારીઓને છેલ્લા 3 મહિનાથી પગાર ચૂકવવામાં આવ્યો નથી. જેથી રોષે ભરાયેલા કર્મચારીઓ છેલ્લા છ દિવસથી ઉપવાસ આંદોલન પર ઉતર્યા છે. જેમાં શનિવારના ઉપવાસ પર બેઠેલા પાંચ કર્મચારીઓની તબિયત લથડતા તેમને તાત્કાલીક સારવારઅર્થે હોસ્પિટલ ખસેડવામાં આવ્યા હતા. જોકે ઘટના અંગે જાણ થતા જ મામલતદાર અને ખેડા પ્રાંત અધિકારી પણ ઘટના સ્થળ પર દોડી આવ્યા હતા અને કર્મચારીઓની માગણીને સાંભળી હતી. જે બાદ કર્મચારીઓ પાસે એક અઠવાડીયાનો સમય માગી તેમની સમસ્યાનું નિવારણ લાવવાની હૈયાધારણા આપી છે. access_time 2:20 am IST