Gujarati News

Gujarati News

News of Friday, 20th April 2018

ધોરણ 10ની બોર્ડની કચેરીને હવે વડોદરાથી ગાંધીનગર લઇ જવાશે

કચેરી ખસેડવાની કામગીરીને કારણે વડોદરા બોર્ડ ઓફિસ 30મી સુધી બંધ રહેશે

 

ગાંધીનગર :ધોરણ 10ની બોર્ડની કચેરીને હવે વડોદરાથી ગાંધીનગર લઇ જવાશે બોર્ડનો પરીક્ષા વિભાગ વડોદરાથી ગાંધીનગરમાં લઇ જવાશે 1લી મેંથી ધોરણ 10ને લગતાં દસ્તાવેજોની કામગીરી હવે ગાંધીનગર ખાતે થશે. ડુપ્લિકેટ પ્રમાણપત્રો, ગુણપત્રો જેવી તમામ કામગીરી ગાંધીનગરથી થશે.

   ગાંધીનગર ખાતે કચેરીનાં પ્રાંગણમાં સ્ટુડન્ટસ સર્વિસ સેન્ટર શરૂ થશે. કચેરીને વડોદરાથી ગાંધીનગર તબદીલ થવામાં 10 દીવસ લાગશે. 21થી 30 એપ્રિલ સુધીમાં કચેરીને ગાંધીનગર ખાતે ખસેડવાની કામગીરી કરવામાં આવશે. વડોદરા ખાતે બોર્ડની ઓફિસ 21થી 30 એપ્રિલ દરમિયાન હવે બંધ રહેશે.

   અત્રે ઉલ્લેખનીય છે કે ગુજરાતની સ્થાપના બાદ બોર્ડની કચેરી વડોદરામાં યુનિ.પ્રેસની પાછળનાં ભાગે શરૂ કરવામાં આવી હતી. જો કે બોર્ડ કચેરી સ્થળાંતર કરવાની વાતચીતનો વિવાદ કેટલાંય સમયથી ચાલી રહ્યો હતો.ત્યારે આખરે બોર્ડની કચેરીને ગાંધીનગર ખાતે ખસેડવાનો નિર્ણય લેવામાં આવશે. ધોરણ. 10ની કચેરી હવે વડોદરાથી ગાંધીનગર ખાતે ખસેડી લીધા બાદ મધ્ય ગુજરાત તેમજ દક્ષિણ ગુજરાતનાં વિદ્યાર્થીઓ તથા કર્મચારીઓને મુશ્કેલીનો સામનો કરવો પડી શકે એવી સંભાવના છે

 

(1:14 am IST)
  • રેલવે નોકરી મેળવવા માટે અરજી કરનાર મહિલાઓ માટે સારા સમાચાર છે. કેમ કે, રેલવે રિક્રૂટમેન્ટ બોર્ડ (RRB) દ્વારા ગ્રુપ ડીમાં નોકરી મેળવવા માટે લઘુત્તમ યોગ્યતામાં ફેરફાર કરવામાં આવ્યો છે. રેલ્વે રિક્રૂટમેન્ટ બોર્ડ દ્વારા નિયમોમાં ફેરફાર કરાતા કર્મચારીની પત્ની અથવા વિધવા ઉમેદવાર માટે લેવલ-1 માટે નોકરીની લઘુત્તમ લાયકાતને હટાવી દેવામાં આવી હતી. access_time 1:14 am IST

  • કોંગ્રેસના ગઢ કહેવાતા ઉત્તર પ્રદેશના રાયબરેલીમાં શનિવારે ભારતીય જનતા પક્ષ (ભાજપ)ની રેલીમાં મંચ પર લગાવવામાં આવેલાં પોસ્ટર્સમાંથી વડાપ્રધાન નરેન્દ્ર મોદીની તસવીર ગાયબ હતી, જે હાલમાં ચર્ચાનો વિષય બની ગયો છે. આ કાર્યક્રમમાં ભાજપ અધ્યક્ષ અમિત શાહ અને મુખ્યમંત્રી યોગી આદિત્યનાથ જેવા દિગ્ગજ નેતાઓ હાજર હતા. આ રેલીને પરિવર્તન રેલીનું નામ આપવામાં આવ્યું હતું. ભાજપના સ્થાનિક નેતાઓને જ્યારે પૂછવામાં આવ્યું કે તો તેમણે પોસ્ટરમાંથી વડાપ્રધાન મોદીની તસવીર ગાયબ હોવાની વાત પર એવું કહેતા વધુ કાંઈ કહેવાનો ઇનકાર કર્યો કે, આ એક માનવીય ભૂલ છે. તેનો બીજો કોઈ અર્થ કાઢી ન શકાય. access_time 11:42 pm IST

  • શત્રુઘ્ન સિન્હાની ધડબડાટી : શત્રુઘ્ન સિન્હાએ પૂર્વ નાણામંત્રી યશવંત સિન્હાની તરફેણ કરતા અને મોદી સરકાર પર વાર કરતા કહ્યું કે " યશવંત સિન્હા તો બલીદાનની મૂર્તિ છે. હું BJP નહી છોડું, પણ લાગે છે કે પાર્ટી મને છોડી દેશે. કેન્દ્ર સરકાર અલી બાબા ચાલીસ ચોર ની સરકાર છે...!" access_time 4:36 pm IST