Gujarati News

Gujarati News

News of Wednesday, 21st March 2018

કોંગી ધારાસભ્યોના સસ્પેન્શનના મુદ્દે સમાધાન માટે ફરી પ્રયાસો

ભાજપ-કોંગ્રેસના નેતાઓ વચ્ચે બેઠકોના દોરઃ સસ્પેન્શન અને સ્પીકર સામેની અવિશ્વાસ દરખાસ્ત એકબીજા પર આધારિત

ગાંધીનગર, તા. ૨૧ :. વિધાનસભામાંથી કોંગ્રેસના ૩ ધારાસભ્યોને ૩ વર્ષ માટે સસ્પેન્ડ કરાતા અને કોંગ્રેસ દ્વારા ગૃહના અધ્યક્ષ સામે અવિશ્વાસ દરખાસ્ત મુકાતા બન્ને મુદ્દે સમાધાન માટે આજે વિધાનસભામાં સરકાર અને કોંગ્રેસના ટોચના આગેવાનો વચ્ચે નવેસરથી બેઠકોનો દોર શરૂ થયો છે.

કોંગી ધારાસભ્યોની સજા માફ થાય અથવા હળવી થાય તેવી માંગણી કોંગ્રેસે મુકી છે. બીજી તરફ ભાજપે અવિશ્વાસ દરખાસ્ત મુદ્દે કોંગ્રેસને પીછેહઠ કરાવવા માટે આગ્રહ રાખ્યો છે. બન્ને પક્ષે આશાસ્પદ વાતાવરણમાં વાતચીત ચાલી રહી છે. સમાધાનના મુદ્દે વિજય રૂપાણી, ભૂપેન્દ્રસિંહ ચુડાસમા, પરેશ ધાનાણી, શૈલેષ પરમાર વગેરે વચ્ચે વાતચીત ચાલી રહી છે.

(3:11 pm IST)
  • મોદી સરકારનું એસસી/એસટી કાયદો ખત્મ કરવાનું ષડયંત્રઃ કોંગ્રેસનો આરોપઃ ભાજપ અને સંઘ બન્નેની માનસિકતા અનુસૂચિત જાતિ-જનજાતિને હંમેશા આર્થિક અને સામાજીક રૂપે પાયમાલ કરવાની છે access_time 4:24 pm IST

  • ભારે કરી.... નિદાહાસ ટ્રોફીની ફાઈનલ મેચમાં ભારત સામે બાંગ્લાદેશનો પરાજય થયો હતો. વલસાડ તાલુકાનાં વાંકલ ગામે રહેતા નિવૃત્ત શિક્ષક પ્રવીણભાઈ બાબરભાઈ પટેલ રવિવાર રાત્રે ભારત અને બાંગ્લાદેશ વચ્ચેની નિદાહાસ ટ્રોફીની ફાઈનલ મેચ પત્ની સાથે નિહાળી રહ્યા હતાં. છેલ્લા બોલે છગ્ગો ફટકારતા જ પ્રવિણભાઈનું હ્રદય હુમલો થયો, હોસ્પિટલે જતા રસ્તામાં જ કાળ ભેટી ગયો હતો. access_time 1:49 am IST

  • ભરતસિંહ સોલંકીએ અમેરિકાનો પ્રવાસ રદ્દ કર્યો : કોંગ્રેસના પ્રદેશ પ્રમુખ ભરતસિંહ સોલંકીએ પોતાનો અમેરિકાનો પ્રવાસ રદ્દ કરી નાખ્યો છેઃ તાજેતરમાં તેમના રાજીનામાની જોરદાર અફવાઓ ઉઠી હતીઃ બાદમાં ભરતસિંહે રાજીનામું આપ્યું નહિ હોવાનું જણાવેલ access_time 12:53 pm IST