Gujarati News

Gujarati News

News of Thursday, 21st January 2021

આનંદ નજીક વિદ્યાનગરમાં જવેલર્સની દુકાનને નિશાન બનાવી તસ્કરોએ રાત્રીના સમયે 2.50 લાખના દાગીનાની ઉઠાંતરી કરી

આણંદ: પાસેના વિદ્યાનગરના મોટા બજાર વિસ્તારમાં આવેલ એક જ્વેવર્સની દુકાનમાં ગઈકાલ રાત્રિના સુમારે તસ્કરો ત્રાટક્યા હતા. તસ્કરો દુકાનનું શટર તોડી અંદર પ્રવેશ કરી આશરે રૂા.૨.૫૦ લાખના સોના-ચાંદીના દાગીનાની ચોરી કરી ફરાર થઈ જતા ભારે ચકચાર મચી છે. આ બનાવ અંગે વિદ્યાનગર પોલીસે ઘટનાસ્થળે પહોંચી વધુ તપાસ હાથ ધરી છે.

વિદ્યાનગરના મોટાબજારની ચોકડી નજીક ભાથીજી મંદિર પાસે હિમાશુંભાઈ ચંદુભાઈ સોનીની જ્વેલર્સની દુકાન આવેલ છે. ગઈકાલ સાંજના સુમારે દુકાનનું કામકાજ પતાવી તેઓ દુકાનને તાળુ મારી પોતાના ઘરે ગયા હતા. દરમ્યાન રાત્રિના સુમારે અજાણ્યા તસ્કરો તેઓની દુકાનમાં ત્રાટક્યા હતા. તસ્કરોએ કોઈ વજનદાર વસ્તુથી દુકાનનું શટર ઉંચુ કરી દુકાનમાં પ્રવેશ કર્યો હતો અને દુકાનમાં મુકેલ કબાટ સહિતના ડ્રોઅરોમાં મુકેલ માલસામાન રફેદફે કરી આશરે બે કિલો ચાંદી તથા પાંચ ગ્રામ સોનાના દાગીના મળી લગભગ રૂા.૨.૫૦ લાખની મત્તાની ચોરી કરી ફરાર થઈ ગયા હતા. દરમ્યાન આજે સવારના સુમારે હિમાશુંભાઈ રાબેતા મુજબ પોતાની દુકાન ખાતે પહોંચતા દુકાનનું શટર ઉંચુ જોતા ચોંકી ઉઠયા હતા. તેઓએ દુકાનમાં જઈ તપાસ કરતા અંદરનો માલસામાન વેરવિખેર જોવા મળ્યો હતો અને દાગીના અંગે તપાસ કરતા ચોરી થઈ હોવાનું માલુમ પડતા તેઓએ તુરંત જ વિદ્યાનગર પોલીસને જાણ કરી હતી. જેથી પોલીસની ટીમ તુરંત જ ઘટના સ્થળે દોડી આવી હતી અને આસપાસની દુકાનના સીસીટીવી તેમજ મોટા બજાર ચોકડી ખાતે લગાવવામાં આવેલ સીસીટીવી કેમેરાની ફુટેજના આધારે તસ્કરોને ઝડપી પાડવાના ચક્રો ગતિમાન કર્યા છે.

(5:11 pm IST)
  • અર્નવ ગોસ્વામીએ રાહુલ ગાંધીને ટેલીવીઝન ઉપર ૧૨૧ લાઈવ ડીબેટ માટે ચેલેન્જ કરી રાહુલ ગાંધીએ તેના ઉપર કરેલા આક્ષેપો સાબિત કરી આપે નહિં તો અદાલતમાં તેના અને કોગ્રેસ પક્ષ વિરૂદ્ધ ફરીયાદ દાખલ કરશે access_time 5:35 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,183 કેસ નોંધાયા :કુલ કેસની સંખ્યા 1,06,10,632 થઇ :એક્ટિવ કેસ 1,90,498 થયા: વધુ 17,751 દર્દીઓ સ્વસ્થ થતા કુલ 1,02,62,843 થયા :વધુ 132 લોકોના મોત સાથે કુલ મૃત્યુઆંક 1,52,886 થયા access_time 1:13 am IST

  • આરએસએસના સર સંઘચાલક મોહન ભાગવત શનિ-રવિ રાજકોટમાં :મોહન ભાગવતજી સંઘના અધિકારીઓ અને કાર્યકર્તાઓ સાથે બેઠક કરી સમાજની પ્રવર્તમાન સ્થિતિ અંગે ચર્ચા - વિચારણા કરશે : કોરોના કાળના પગલે પ્રેસવાર્તા કે કોઈ કાર્યક્રમમાં ભાગ લેશે નહિં access_time 1:07 pm IST