Gujarati News

Gujarati News

News of Thursday, 21st January 2021

રાજપીપળા ટીબી સેન્ટર ખાતે સબ-સેન્ટર પર ફરજ બજાવતા CHO માટે માનસિક આરોગ્યની તાલીમ યોજાઈ

(ભરત શાહ દ્વારા) રાજપીપળા : તા.20 જાન્યુઆરીના રોજ ડિસ્ટ્રિક્ટ ટીબી સેન્ટર, રાજપીપલાના કોંફરન્સ હોલ ખાતે નાંદોદ તાલુકાના વિવિધ સબ-સેન્ટર પર ફરજ બજાવી રહેલ (CHOs) કોમ્યુનિટી હેલ્થ ઓફિસર્સ માટે DTT અને DMHP, Narmada દ્વારા એક દિવસીય માનસિક આરોગ્યની તાલીમનું આયોજન કરવામાં આવ્યું હતું. જેમાં જનરલ હોસ્પિટલ, રાજપીપલા ખાતે ફરજ બજાવી રહેલ મનોચિકિત્સક ડો.પ્રશાંત જરીવાલા એ ઓડિયો-વિઝ્યુઅલ માધ્યમ દ્વારા અલગ અલગ માનસિક બીમારી,વ્યસનમુક્તિ, ડિપ્રેશન, સ્યુસાઇડ પ્રિવેન્શન તથા તણાવમુક્તિ જેવા વિષયો પર ખૂબ જ રસપ્રદ માહિતી આપી હતી. માનસિક આરોગ્યની તાલીમના વિવિધ સેશન્સ બાદ તાલીમાર્થીઓની સાથે તેમણે અલગ અલગ દર્દીઓમાં માનસિક તકલીફો વિશે ચર્ચાવિચારણા કરી હતી અને ત્યારબાદ તાલીમાર્થીઓને સર્ટિફિકેટ્સનું વિતરણ કરવામાં આવ્યું હતું.

(11:38 pm IST)
  • જીએસટીએન નેટવર્ક ઉપર મોટો સાયબર હુમલો : 'જીએસટીએન' નેટવર્ક ઉપર મોટો સાયબર અટેક થયો છે : કેટલાક કલાકો માટે ટેકસ સંબંધિત તમામ કાર્યવાહીઓ થંભાવી દેવામાં આવી છે : ન્યુઝ ફર્સ્ટ જણાવે છે કે સત્તાવાર વિગતોની રાહ જોવાઈ રહી છે. access_time 3:32 pm IST

  • તેલંગણામાં એમ્બ્યુલન્સ ડ્રાઇવરનું કોવિડ રસી લીધા પછીના થોડા કલાકોમાં જ મોત નીપજતા ભારે ગભરાટ ફેલાયો ૧૯ જાન્યુઆરીએ તેલંગાણામાં નિર્મલ જિલ્લાના કૂંતાલા પ્રાઇમરી હેલ્થ કેર સેન્ટરમાં કોરોના વિરોધી રસી લીધા પછી ૪૨ વર્ષિય એમ્બ્યુલન્સ ડ્રાઈવર વિઠલના મોતથી રાજ્યના અનેક લોકોમાં ભયનો માહોલ સર્જાયાનું ઇન્ડિયા ટુ ડે નોંધે છે. access_time 12:09 pm IST

  • નવા સંસદ ભવન નિર્માણની તૈયારી : નવી દિલ્હીઃ નવા સંસદના બીલ્ડીંગના નિર્માણના કારણે ગાંધીજીની પ્રતિમાને ગેટ નંબર ૩ થી ગેટ નંબર ૧ તરફ શીફટ કરવામાં આવી છે. access_time 1:07 pm IST