Gujarati News

Gujarati News

News of Thursday, 21st January 2021

રાજપીપળા ભાટવાડા વિસ્તારમાં બે વખત પાણીનો પુરવઠો આપવા મુખ્ય અધિકારીને રજુઆત કરાઈ

(ભરત શાહ દ્વારા) રાજપીપળા : રાજપીપળા નગરપાલિકા દ્વારા શહેરના ઘણા વિસ્તારોમાં પાણીની મોકાણ હોય આજે એક સંભવિત ઉમેદવારે ભાટવાડા વિસ્તારમાં પાણી બાબતે ચીફ ઓફિસરને લેખિત રજુઆત કરી છે.
સંભવિત ઉમેદવાર રાજેશભાઇ માલીએ પાલિકાના મુખ્ય અધિકારીને લેખિત રજુઆતમાં જણાવ્યું છે કે ચાર દિવસ પહેલા વોર્ડ નં.૪ ભાટવાડા વિસ્તારમાં પ્રચાર માટે ગયો હતો ત્યારે લોકોએ મને ભાટવાડાના હોળી ચકલા તથા ચાચા નહેરુ બાલમંદિર વાળા વિસ્તારમાં સાત દિવસ પહેલા બે વખત પાણી આવતું હતું અચાનક પાણાનો પુરવઠો એક જ વખત કરી દેતા પાણી વગર ભારે મુશ્કેલી પડતી હોય પાણીનો પુરવઠો બે વખત આપવામાં આવે તો ત્યાંના લોકોને કોઈ અગવડ પડે નહી.આ વિસ્તારમાં ૧૦ દિવસ પહેલા બે વખત ફોર્સથી તેમજ પર્યાપ્ત પાણી નો પુરવઠો આપવામાં આવતો હતો જે અચાનક એવુ તો શું થયુ કે પાણીનો પુરવઠો એક જ વખત આપવામાં આવે છે ? કયા કારણસર છેલ્લા ૧૦ દિવસથી એક જ વખત પાણી આવે છે ? કોઈ ટેકનીકલ ખામી હોય તો તે તાત્કાલીક દુર કરી પાણીનો પુરવઠો બે વખત આપવામાં આવે તેવી રજુઆત કરી છે.

(10:32 pm IST)
  • બાયડન સપાટો બોલાવે છે: પાંચ લાખ ભારતીયોને નાગરિકત્વ આપવાનું શરૂ : અમેરિકાના પ્રમુખ બનતાવેંત જો બાયડન એક્શનમાં આવી ગયા છે અને પાંચ લાખ ભારતીય નાગરિકોને અમેરિકાનું નાગરિકપદ આપવાની શરૂઆત કરી દીધી છે. access_time 12:50 pm IST

  • દેશની ચારેય ટોચની તપાસનીશ સંસ્થાઓને એક છત્ર હેઠળ લાવવા કસરત શરૃ : મોદી સરકાર ગંભીર રીતે દેશની ટોચની તમામ તપાસનીશ સંસ્થાઓને એક જ વડાના આધિપત્ય નીચે લાવવા ગંભીરતાથી વિચારી રહી છે જેમાં ઈડી (એન્ફોર્સમેન્ટ ડાયરેકટોરેટ), ડીઆરઆઈ (ડાયરેકટર ઓફ રેવન્યુ ઈન્ટેલીજન્સ), ડીઓડબલ્યુ (ઈકોનોમીક ઓફેન્સ વિંગ) અને એફએસઆઈઓ (સીરીયસ ફ્રોડ ઈન્વેસ્ટીગેશન ઓફીસ) આ તમામને એક જ છત્ર નીચે અને એક જ અધિકારીના વડપણ હેઠળ લાવવા મોદી સરકાર માગે છે : આગામી ૧લી ફેબ્રુઆરીના કેન્દ્રીય બજેટમાં અથવા તો તેના પછી જાહેરાત થઈ શકે તેમ ન્યુઝ ફર્સ્ટ જણાવે છે. access_time 3:32 pm IST

  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST