Gujarati News

Gujarati News

News of Tuesday, 21st January 2020

અજબ પ્રેમ કી ગજબ કહાની

૧૪ વર્ષના સ્ટુડન્ટને લઈને ૨૬ વર્ષની ટીચર ભાગી ગઈ

બંને જણ મોબાઇલ સાથે લઇ ન ગયા હોવાથી લોકેશન નથી મળતું

સુરત, તા.૨૧: ગુરુ અને શિષ્યનો સંબંધ ખૂબ પવિત્ર હોય છે, પરંતુ આજના સમયમાં અનેક એવી ઘટનાઓ બને છે જે આંચકારૂપ હોય છે. આવી જ એક ઘટના ગુજરાતના પાટનગરમાં બની છે જેને પગલે ખુદ ગાંધીનગર પોલીસ પણ મૂંઝવણમાં મુકાઈ ગઈ છે.

 

સરકારના ઉદ્યોગ ભવનમાં ફરજ બજાવતા એક અધિકારી કલોલ પોલીસ પાસે પહોંચ્યા અને તેમને પોતાના ૧૪ વર્ષના દિકરાને ૨૬ વર્ષીય કલાસ ટીચર ભગાડી ગઈ હોવાની અરજી કરી હતી.

અધિકારીનું કહેવું હતું કે તેના પુત્રને લલચાવી, ફોસલાવીને મહિલા ટીચર પોતાની સાથે ભગાડી ગઈ છે. તેમનો દીકરો શુક્રવારે સાંજે ચાર વાગ્યા બાદ ગુમ થયો છે અને કલાસ ટીચરની પણ કોઈ ભાળ નથી.

કલોલ પોલીસે સમગ્ર ઘટનામાં આઇપીસીની કલમ ૩૬૩ અંતર્ગત એફઆઇઆર નોંધ્યો હતો અને તપાસ શરૂ કરી છે.

મહિલા શિક્ષિકા કલોલ ગામની દરબારી ચાલમાં રહેતી હતી. કલોલ પોલીસે આ કેસમાં આઇપીસીની કલમ ૩૬૩ અંતર્ગત એફઆઇઆર નોંધીને વધુ તપાસ હાથ ધરી છે.

એફઆઇઆર મુજબ શિક્ષિકા કલોલ ગામના દરબારી ચાલમાં રહેતી હતી. વધુમાં અધિકારી પિતાનું કહેવું છે કે 'શુક્રવારે સાંજે સાત વાગ્યે તેઓ જયારે ઘરે પહોંચ્યો ત્યારે દીકરો દ્યરમાં નહોતો, જેથી તેમને પોતાની પત્નીને પૂછ્યું હતું, પત્નીએ સાંજે ચાર વાગ્યે દીકરો બહાર ગયો હોવાનું જણાવ્યું હતું, દીકરાએ માતાને થોડી વારમાં બહાર જઈ પાછો આવું છું એમ કહ્યું હતું. જોકે તે પરત આવ્યો ન હતો. ઘટના બાદ દીકરાની સંબંધીઓ, મિત્રો અને આસપાસના વિસ્તારોમાં તપાસ કરી હતી, પરંતુ દીકરો કયાંય મળ્યો ન હતો. દીકરાને શોધવા શિક્ષિકાના દ્યરે પણ ગયા હતા, પરંતુ ત્યાં પણ કોઈ મળ્યું નહોતું.'

સમગ્ર મામલે કલોલ પોલીસ મથકના પીઆઈનું કહેવું છે કે વિદ્યાર્થી અને શિક્ષિકાની તપાસ કરવામાં આવી રહી છે, પરંતુ સેલ ફોન બન્ને સાથે લઈ ન ગયા હોવાથી લોકેશન શોધવામાં મુશ્કેલી આવી રહી છે.

શિક્ષિકા વિશે એવું પણ જાણવા મળી રહ્યું છે કે વિદ્યાર્થી અને શિક્ષિકા વચ્ચે અંતરંગ સંબંધ હોવાની વાત ચર્ચાનો વિષય છેલ્લા કેટલાક સમયથી બન્યો છે. આ વાતની જાણ સ્કૂલ ઓથોરિટીને થતાં શિક્ષિકાને ઠપકો પણ આપવામાં આવ્યો હતો. એક શિક્ષિકા અને વિદ્યાર્થીનો પ્રેમસંબંધ એક રીતે સમાજ માટે બદનામ કરનારો હોય છે ત્યારે અનૈતિક સંબંધ બચાવવા માટે બન્ને ઘર છોડીને ભાગી ગયા હોઈ શકે છે. જોવાનું છે કે ગુરુ અને શિષ્યને શોધવામાં પોલીસ સફળ થાય છે કે નહીં?

(11:27 am IST)
  • નાગરિકતા સંશોધન એક્ટની સુનાવણી પહેલા મધરાત્રે સુપ્રીમકોર્ટ બહાર મહિલાઓના ધરણા : મોડીરાત્રે કડકડતી ઠંડીમાં સુપ્રીમકોર્ટ બહાર મહિલાઓ હાથમાં બેનર અને પોસ્ટર પકડીને ધરણા પર બેઠા : નાગરિકતા સંશોધન કાયદાનું વિરોધ પ્રદર્શન સુપ્રીમ કોર્ટ સુધી પહોંચ્યું access_time 1:08 am IST

  • મુંબઈ નજીક પાલઘરમાં સતત ભૂકંપના આંચકા : આજે 1-30 વાગ્યે ફરી એકવાર 2,5નો ભૂકંપ આવ્યો : પાલઘરમાં 10 કી,મી,ની ઊંડાઇએ કેન્દ્રબિંદુ access_time 11:21 pm IST

  • અયોધ્યા ચુકાદા વિરૂધ્ધ હવે પીસ પાર્ટીએ સુપ્રીમ કોર્ટમાં દાખલ કરી કયુરેટીવ પિટિશન : સુપ્રીમ કોર્ટે અયોધ્યા પર ચુકાદા અંગે દાખલ દરેક ૧૮ પુનર્વિચાર અરજીઓને ફગાવી લીધા બાદ હવે સુપ્રીમ કોર્ટમાં કયુરેટિવ પિટિશન દાખલ કરવામાં આવી છે : ઉલ્લેખનીય છે કે પાંચ જજોની પીઠે રિવ્યુ પિટિશન ફગાવી દીધી હતી access_time 3:35 pm IST