Gujarati News

Gujarati News

News of Wednesday, 7th April 2021

અમદાવાદમાં આખી રાત 108 દોડતી: છ દિવસમાં કોવીડ ઇમર્જન્સી કોલમાં 76 ટકાનો ધરખમ ઉછાળો

એપ્રિલમાં હવે દરરોજ 4,000 કોલ આવવા લાગ્યા છે.

અમદાવાદ શહેરમાં મંગળવારની આખી રાત 108 દોડતી રહી હતી. મંગળવારની રાત્રે કોરોનાના ઇમરજન્સી કેસ વધતાં 108માં પણ ત્રણ કલાકના વેઇટિંગની સ્થિતિ સર્જાઈ હતી. ખાસ કરીને, અમદાવાદમાં કોરોના સંક્રમણના દર્દીઓને ઓક્સિજન લેવલ ઘટવાની ફરિયાદો વધી હતી. જેના કારણે મંગળવારની રાત્રે કોઈ દર્દી ફોન કરે તો 1 કલાકથી લઈ ત્રણ કલાક સુધી રાહ જોવી પડતી હતી. આ સ્થિતિ વધુ બગડતા અમદાવાદમાં 108ની વધુ 10 એમ્બ્યુલન્સ સેવામાં મુકાઈ છે. અમદાવાદમાં ચિંતાજનક સ્થિતિએ કોરોના કેસ વધ્યા છે, 108નું વેઇટિંગ ઘટે તે માટે પ્રયત્નો હાથ ધરાયા છે. 108ના સત્તાવાર સૂત્રો કહે છે કે, રાજ્યભરમાં માર્ચ મહિના સુધી 3,000 કોલ આવતા હતા જેમાં એપ્રિલ મહિનાથી વધારો શરૂ થયો છે જે હવે 4,000 કોલ આવવા લાગ્યા છે.

અમદાવાદ શહેરમાં કોરોનાના કેસોમાં અસાધારણ વધારો થઇ રહ્યો છે. છેલ્લા બે દિવસથી ઈમરજન્સી એમ્બ્યુલન્સ સેવા 108માં પણ કોલ વધ્યા છે અને દર્દીઓને 3થી 4 કલાકનું વેઈટિંગ થઈ ગયું છે. દર્દીઓને હેરાન થવું પડે છે. 108 સેવા દ્વારા સ્થિતિ સુધરે એ માટે આજથી 108 એમ્બ્યુલન્સ સેવામાં વાહનોનો વધારો પણ કર્યો છે. જેને કારણે હવે દર્દીઓને ઓછી તકલીફ પડી શકે છે.

આ અંગે 108 સેવા સાથે જોડાયેલા અધિકારીઓએ જણાવ્યું કે, અત્યાર સુધી રાજ્યમાં 108માં 24 કલાક દરમિયાનમાં 3000 ઈમેરજન્સી કોલ આવતા હતા. એપ્રિલ મહિનાથી કોલમાં વધારો શરુ થયો છે. કોલમાં વધારો થઈને દિવસના 4 હજાર કોલ થઈ ગયા છે. અચાનક 1 હજાર ઇમરજન્સી કોલ વધી જવાને કારણે વેઈટિંગ કરવું પડતું હતું પરંતુ આજથી 108 દ્વારા રાજ્યભરમાં 20 એમ્બ્યુલન્સમાં વધારો કરવામાં આવ્યો છે. જે પૈકી વધુ 10 એમ્બ્યુલન્સ મૂકવામાં આવી છે.

કોવિડ ઇમરજન્સી કોલ

તારીખ ગુજરાત અમદાવાદ
1.એપ્રિલ 762 217
2.એપ્રિલ 923 262
3.એપ્રિલ 1063 296
4.એપ્રિલ 976 275
5.એપ્રિલ 1316 319
6.એપ્રિલ 1367 384

જનરલ ઇમરજન્સી કોલ ગુજરાત રાજ્ય

તારીખ કોલ
1.એપ્રિલ 3456
2.એપ્રિલ 3478
3.એપ્રિલ 3680
4.એપ્રિલ 3622
5.એપ્રિલ 4152
6.એપ્રિલ 4040
(12:16 am IST)
  • આજે સાંજ સુધીમાં મુંબઈમાં નોંધાયા અધધધ 10,030 નવા કોરોના કેસ અને 31 લોકોના દુઃખદ મૃત્યુ થયા : આ સાથે મુંબઇનો કુલ કોરોના કેસનો આંકડો 4,72,332 એ પહોંચ્યો access_time 8:07 pm IST

  • દિલ્હીમાં કોરોનાનો કહેર વધતા એઇમ્સે ઓપીડી સેવા બંધ કરી : ઓનલાઇન રજીસ્ટ્રશન મારફત દર્દીઓને એઇમ્સમાં ડોકટરો પાસે તપાસ કરાવી શકશે : કોરોના કેસ વધતા લેવાયો નિર્ણય access_time 12:48 am IST

  • રાજકોટનાં પુર્વે ડે.મેયર અશ્વિન મોલીયાને કોરોના: ડોકટરની સલાહ મુજબ હોમ આઇસોલેશનમાં સારવાર હેઠળ : બે-ત્રણ દિવસમાં સંપર્કમાં આવેલ લોકોને કોરોના ટેસ્ટ કરાવવા કરી અપીલ access_time 8:16 pm IST