Gujarati News

Gujarati News

News of Wednesday, 7th April 2021

બિમાર પુત્રને હોસ્પિટલ લઈ જવા પિતા એક કિમી દોડ્યા

સુરતના ઉમરવાડામાં કાળજુ કંપાવનારી ઘટના : ઝાડા-ઉલટી થતાં બાળકને ડોક્ટરે દવા આપ્યા બાદ તબિયત લથડતાં શ્રમજીવી નિઃસહાય પિતાની મદદે કોઈ ન આવ્યું

સુરત, તા. :  સુરત જિલ્લાના ઉમરવાડામાં એક હૃદય કંપાવનારી ઘટના સામે આવી છે. જ્યાં એક શ્રમજીવી પિતા બીમાર પુત્રને હોસ્પિટલ લઈ જવા માટે લગભગ એક કિલોમીટર સુધી દોડ્યા હતા, પરંતુ તેમની મદદ કોઈ આવ્યું નહીં અને આખરે બાળકનું મોત થઈ ગયું. બાળકને હોસ્પિટલમાં લવાયા બાદ ડોક્ટરોએ બાળકને મૃત જાહેર કરતા પરિવારમાં શોકનું મોજું ફરી વળ્યું છે.

મીડિયા રિપોર્ટ મુજબ શ્રમજીવી પરિવારના મનીષ નામના બાળકને ઝાડા-ઉલ્ટી થતાં સ્થાનિક ડોક્ટરે તેને દવાઓ આપી હતી. જો કે, તે દવાઓ લીધા બાદ તેની તબિયત લથડવા લાગી ત્યારે પિતા તેને હોસ્પિટલ લઈ જવા માટે હાથમાં ઉચકીને દોડવા લાગ્યા. દરમિયાન એકેય રિક્ષાચાલકે કે લોકો માનવતા દાખવી. જ્યારે પિતા બાળકને લઈને હોસ્પિટલ પહોંચ્યા ત્યાં સુધી ખૂબ મોડું થઈ ગયું. પિતાના જણાવ્યા અનુસાર લોકો જોતા રહ્યા, પરંતુ કોઈ મદદે આવ્યું નહીં.

મૃતક બાળકના પિતાએ વધુમાં જણાવ્યા મુજબ તેઓ મૂળ બિહારના વતની છે અને છેલ્લા ઘણા વર્ષોથી ઉમરવાડા ખાનગી ટ્રાન્સપોર્ટમાં રહી મજૂરી કામ કરીને પરિવારનું ગુજરાન ચલાવે છે. તેમના જણાવ્યા અનુસાર તેઓએ કોઈને પણ મદદ કરવા માટે ના નથી પાડી પરંતુ આજે જ્યારે તેમને મદદની જરૂર હતી તો કોઈ આગળ ના આવ્યું તે વાતનું ખૂબ દુઃખ થાય છે.

પિતાએ જણાવ્યા અનુસાર તેઓ પત્ની સાથે નજીકની ખાનગી હોસ્પિટલ પહોંચ્યા ત્યારે ત્યાંથી બાળકને સિવિલ હોસ્પિટલ લઈ જવાનું કહેવામાં આવ્યું. જેથી તેઓ રિક્ષામાં સિવિલ પહોંચ્યા ત્યારે ફરજ પર હાજર ડોક્ટરે બાળકને મૃત જાહેર કરી દીધો. બાળક દિવસથી ખૂબ બીમાર હતો. કોઈએ મદદ કરી હોત તો મારું બાળક બચી જાત તેવી વ્યથા સાથે મૃતક બાળકના માતા-પિતા વલોપાત કરતા જોવા મળ્યા હતા.

(10:03 pm IST)
  • નક્સલવાદીઓએ છત્તીસગઢના બીજાપુર જિલ્લામાં 3 એપ્રિલે એન્કાઉન્ટર બાદથી જે ભારતીય જવાનને કબ્જે કર્યો છે, તે જવાનનો ફોટો રિલીઝ કર્યો. access_time 1:20 pm IST

  • મહારાષ્ટ્રમાં કોરોના ગાંડોતૂર બનતા દેશમાં અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 લાખને પાર પહોંચ્યો :વધુ 684 દર્દીઓના મોત: રાત્રે 12 વાગ્યા સુધીમાં કોરોનાના નવા 1,26,265 કેસ નોંધાયા :કુલ કેસની સંખ્યા 1,29,26,061 થઇ :એક્ટિવ કેસ 9,05,021 થયા વધુ 59,132 દર્દીઓ સ્વસ્થ થતા કુલ 1,18,48,905 થયા :વધુ 684 લોકોના મોત સાથે કુલ મૃત્યુઆંક 1,66,892 થયા: દેશમાં સૌથી વધુ મહારાષ્ટ્રમાં નવા 59,907 નવા કેસ નોંધાયા access_time 12:51 am IST

  • તાપી : ઉચ્છલ તાલુકા ભાજપ મહામંત્રી મોહનભાઇ ગામીતનું કોરોના સારવાર દરમ્યાન મોત : કોરોના રિપોર્ટ પોઝીટીવ આવ્યા બાદ બારડોલીની ખાનગી હોસ્પિટલમાં સારવાર અર્થે ખસેડાયા હતા access_time 5:01 pm IST