Gujarati News

Gujarati News

News of Monday, 22nd February 2021

રાજપીપળાના એક HIV પીડિતને ત્રણ ધક્કે તેમનો સાચો બ્લડ કાઉન્ટ રિપોર્ટ મળતા તંત્ર પર ભારે રોષ

દર 6 મહિને HIV પીડિતોને તેમના સિડી-4 ના રિપોર્ટ માટે વડોદરા ART સેન્ટર જવું પડતું હોય પરંતુ ટેક્નિકલ ક્ષતિના કારણે એક પીડિતને ત્રણ ધક્કા ખાવા પડ્યા: વડોદરા સુધી દોડતા નર્મદા જિલ્લાના HIV પીડિતો માટે રાજપીપળા ખાતે ART સેન્ટર અત્યંત જરૂરી

(ભરત શાહ દ્વારા) - રાજપીપળા : નર્મદા જિલ્લામાં 350 જેવા એચઆઇવી પીડિતો છે જેમાં મોટાભાગના પીડિતો રાજપીપળા સિવિલ હોસ્પિટલમાં દર મહિને દવા લેવા આવતા હોય છે અને દર 6 મહિને વડોદરા કે અન્ય ART સેન્ટર પર પોતાના લોહીના કાઉન્ટ (સીડી-4) કરાવવા જતા હોય પરંતુ ક્યારેક ટેક્નિકલ ક્ષતિના કારણે અમુક પીડિતો ને ધક્કે ચઢવું પડતું હોય જેમાં તાજેતરમાં રાજપીપળા ના એક HIV પીડિત કે જેઓ એકદમ સ્વસ્થ હોવા છતાં તેમના બ્લડ કાઉન્ટ જે અગાઉ એક હજારની ઉપર આવ્યા હોવા છતાં હાલ માત્ર 08 નો જ રિપોર્ટ મળતા તેઓ આશ્ચર્યમાં મુકાયા હતા.જોકે વડોદરાની સયાજી હોસ્પિટલ ના ART સેન્ટર ના સ્ટાફની આમાં કોઈ ભુલ ન હતી કેમકે સતત બે મહિના વડોદરા ART સેન્ટરમાં તેમના કાઉન્ટ 08 જેવા જ આવ્યા બાદ તેમણે ભરૂચ સિવિલના ART સેન્ટર માં રિપોર્ટ કઢાવવા ગયા તો ત્યાં તેમના કાઉન્ટ 871 જેટલા આવતા આખરે આ પીડિત અને તેના પરિવાજનો એ રાહતનો દમ લીધો હતો.
 આ પીડિત આર્થિક રીતે થોડા સક્ષમ હોવાથી ત્રણ ત્રણ વખત રિપોર્ટ કાઢવવા જઈ શક્યા પરંતુ નર્મદા જિલ્લામાં મોટાભાગના પીડિતો મજૂર વર્ગના હોય તેમની આર્થિક સ્થિતિ ખરાબ હોવાથી આમ ધક્કે ચઢે તેમ ન હોય માટે સરકાર માંથી મંજુર થયેલું નર્મદા નું ART સેન્ટર વહેલીટકે કાર્યરત થાય તેવી માંગ છે.સાથે સાથે વડોદરા સહિતના અમુક જિલ્લામાં મશીનો કે અન્ય બ્લડ માટેના સાધનો નવા કે યોગ્ય કામ કરતા અપાય તે પણ જરૂરી છે.

(11:45 pm IST)
  • ઈશાંત ટેસ્ટની સદી ફટકારશે : આગામી ૨૪મીથી મોટેરા સ્ટેડિયમ ખાતે ડે એન્ડ નાઈટ ટેસ્ટનો પ્રારંભ થઈ રહ્યો છે ત્યારે ઈશાંત શર્મા પોતાના ટેસ્ટ કેરીયરનો ૧૦૦મો ટેસ્ટ રમનાર છે તેણે ૯૯ ટેસ્ટ મેચમાં ૩૦૨ વિકેટો ઝડપી છે. access_time 2:41 pm IST

  • દેશમાં કોરોનાના ધીમીગતિએ વધતા કેસ :રાત્રે 11 વાગ્યા સુધીમાં કોરોનાના નવા 13,979 કેસ નોંધાયા :કુલ કેસની સંખ્યા 1,10,05,071 થઇ :એક્ટિવ કેસ 1,47,100 થયા: વધુ 9476 દર્દીઓ સ્વસ્થ થતા કુલ 1,06,97,014 થયા :વધુ 79 લોકોના મોત સાથે કુલ મૃત્યુઆંક 1,56,418 થયા access_time 12:09 am IST

  • પતંજલિની કોરોનીલને કઈ રીતે પ્રોમેશન આપવામાં આવ્યું? : ઈન્ડિયન મેડિકલ એસોસિએશને નાણા મંત્રાલય પાસે ખુલાસો માગ્યો છે કે પતંજલિની કોરોના માટેની દવા ''કોરોનીલ''ને કઈ રીતે પ્રમોશન આપવામાં આવ્યું? પ્રમાણીત કરવામાં આવી છે? access_time 4:33 pm IST