Gujarati News

Gujarati News

News of Monday, 22nd February 2021

ડીસા-પાટણ હાઈવે પર ત્રિપલ અકસ્માતમાં યુવાનનું મોત

અકસ્માતમાં બાઇક સવાર યુવકનું કરૂણ મોત : ડીસા પાટણ હાઇવે પર આવેલ ખરડોસણ ગામ નજીક બાઇક, કાર અને ટ્રક વચ્ચે ત્રિપલ અકસ્માત સર્જાયો હતો

બનાસકાંઠા, તા.૨૧ : ડીસા-પાટણ હાઇવે પર આજે બાઇક અને સ્વિફ્ટ કાર અને ટ્રક વચ્ચે થયેલા ત્રિપલ અકસ્માતમાં બાઇક સવાર યુવાનનું ઘટના સ્થળે જ કમકમાટીભર્યું મોત નિપજ્યું હતું. અકસ્માતમાં બાઇક સવાર ઠાકોર યુવકનું ઘટના સ્થળે જ કરૂણ મોત નિપજ્યું હતું. બનાવના પગલે ડીસા તાલુકા પોલીસ ઘટના સ્થળે પહોંચી હતી અને આગળની કાર્યવાહી હાથ ધરી છે. ડીસા પાટણ હાઇવે પર આવેલ ખરડોસણ ગામ પાસે આજે બાઇક સ્વીફ્ટ કાર અને ટ્રક વચ્ચે ત્રિપલ અકસ્માત સર્જાયો હતો.

ડીસા પાટણ તરફ જઇ રહેલા બાઇક ચાલક યુવક ઓવરટેક કરવા જતા સ્વીફ્ટ કારની નીચે કચડાઇ જતા આકસ્માત સર્જાયો હતો. અકસ્માત બાદ પાછળ આવી રહેલો ટ્રક કાર સાથે ધડાકાભેર અથડાયો હતો. જેથી બાઇક કાર અને ટ્રક વચ્ચે ત્રિપલ અકસ્માત સર્જાયો હતો. અકસ્માતમાં બાઇક ચાલક યુવક કારની નીચે કચડાઇ જતા ગંભીર રીતે ઇજાગ્રસ્ત થતા તેનું ઘટના સ્થળે જ કમકમાટીભર્યું મોત નિપજ્યું હતું. ઘટના અંગે માહિતી મળતાની સાથે જ પોલીસ ઘટના સ્થળે પહોંચી હતી.

અકસ્માતમાં આશાસ્પદ પ્રકાશ ઠાકોરનું કરૂણ મોત થતા આજુબાજુના લોકો પણ ઘટના સ્થળે દોડી ગયા હતા. ઇજાગ્રસ્ત અન્ય ત્રણ લોકોને સારવાર માટે ખસેડી રાહત કામગીરી શરૂ કરી હતી. ઘટના અંગે જાણ થતા જ ડીસા તાલુકા પોલીસ પણ બનાવ સ્થળે આવી પહોંચી હતી. મૃતકની લાશને પીએમ અર્થે ડીસાની સરકારી હોસ્પિટલમાં ખસેડી કાયદેસરની કાર્યવાહી હાથ ધરી છે.

(9:15 pm IST)
  • ઉત્તર પ્રદેશ વિધાનસભાની ચૂંટણી પહેલા યોગી સરકારે બજેટનો પટારો ખોલ્યો : ફાયનાન્સ મિનિસ્ટર સુરેશ ખન્નાએ અત્યાર સુધીનું સૌથી મોટું 5,50,270 કરોડ રૂપિયાનું પેપરલેસ બજેટ ધારાસભામાં રજૂ કર્યું : અયોધ્યા નગરી માટે 140 કરોડ ,વેક્સીન માટે 50 કરોડ ,ખેડૂતોને મફત પાણી આપવા માટે 700 કરોડ ,તથા મહિલા શક્તિ કેન્દ્રોની સ્થાપના માટે 32 કરોડ રૂપિયાની ફાળવણી સાથે 2021-22 ની સાલનું બજેટ પેશ કરાયું access_time 1:54 pm IST

  • પતંજલિની કોરોનીલને કઈ રીતે પ્રોમેશન આપવામાં આવ્યું? : ઈન્ડિયન મેડિકલ એસોસિએશને નાણા મંત્રાલય પાસે ખુલાસો માગ્યો છે કે પતંજલિની કોરોના માટેની દવા ''કોરોનીલ''ને કઈ રીતે પ્રમોશન આપવામાં આવ્યું? પ્રમાણીત કરવામાં આવી છે? access_time 4:33 pm IST

  • ઈશાંત ટેસ્ટની સદી ફટકારશે : આગામી ૨૪મીથી મોટેરા સ્ટેડિયમ ખાતે ડે એન્ડ નાઈટ ટેસ્ટનો પ્રારંભ થઈ રહ્યો છે ત્યારે ઈશાંત શર્મા પોતાના ટેસ્ટ કેરીયરનો ૧૦૦મો ટેસ્ટ રમનાર છે તેણે ૯૯ ટેસ્ટ મેચમાં ૩૦૨ વિકેટો ઝડપી છે. access_time 2:41 pm IST