Gujarati News

રાજકોટ, તા., ૨૬: રાજય સરકારે કોરોનાની પરિસ્થિતિમાં લોકડાઉનના પગલે ગુડઝ ટ્રાન્સપોર્ટ ટેક્ષ ભરવાની મુદતમાં ૩૧ મે સુધીનો વધારો કરવાનો નક્કી કર્યાનુ઼ જાણવા મળે છે તેની જાહેરાત ટુંક સમયમાં થશે. જેની મુદત માર્ચ અથવા એપ્રિલમાં પાકતી હતી તેવા ટ્રક, મેટાડોર વગેરેના માલીકો માટે આ નિર્ણય રાહતરૂપ બનશે.  સરકારના વર્તુળોના જણાવ્યા મુજબ ગુડઝ ટ્રાન્સપોર્ટ ટેક્ષ ચુકવવા માટે માલીકોએ અલગ-અલગ સમયાંતરની જોગવાઇઓ સ્વીકારેલી હોય છે. આવા કેટલાય માલવાહક વાહનો માટે એપ્રિલમાં ગુડઝ ટેક્ષ ભરવા પાત્ર હતો તે તમામની મુદત ૩ ૧ મે સુધી વધારવાનુ઼ સરકારે નક્કી કર્યુ છે.