Gujarati News

Gujarati News

News of Wednesday, 25th March 2020

નર્મદામાં લોકડાઉન ઇફેક્ટ : ધંધા અર્થે ગયેલા કેટલાક લોકો ફસાયા,સુરતથી પગપાળા વતન આવવા નીકળ્યા

(ભરત શાહ દ્વારા) રાજપીપળા : કોરોનાના કેહેર વચ્ચે હાલ દેશના લોકો જીવી રહ્યા છે.પીએમ મોદીએ આગામી 21 દિવસ સુધી સમગ્ર દેશમાં લોકડાઉન જાહેર કર્યું છે.આજ કારણે વાહન વ્યવહાર પણ બંધ થયો છે.દેશમાં એસટી બસોના પૈડાં થંભી ગયા છે, ડેપો સુમસાન થઈ ગયા છે.આવા સમય ગાળામાં છોટાઉદેપુરના આદિવાસીઓ ધંધા-રોજ ગાર અર્થે સુરત ખાતે ગયા હતા, અચાનક લોકડાઉન જાહેર થતા એમને રજા આપી દેવાઈ હતી.બાદ એમને પોતાના વતન આવવા કોઈ વાહન ન મળતા સુરતથી ચાલતા આવવા નીકળ્યા હતા.

 છોટાઉદેપુરના આદિવાસીઓ થોડા દિવસ અગાઉ સુરત ખાતે ધંધા રોજગાર અને મજૂરી અર્થે ગયા હતા.કોરોનાને કારણે ભારત સરકારે અચાનક સમગ્ર દેશમાં લોકડાઉન જાહેર કર્યું.દરમિયાન તેઓ જે જગ્યાએ મજૂરી કરતા હતા ત્યાંથી તેમને રજા આપી દેવાઈ હતી.આ પરિવારના સભ્યો પોતાના વતન છોટાઉદેપુર આવવા માટે હાઇવે પર આવ્યા તો ખરા પણ કોઈ જ વાહન ન મળ્યું.એમણે મનોમન ચાલતા જ આવવાનું નક્કી કર્યું.તેઓ સુરતથી 120 કિમીનું અંતર ચાલતા કાપી રાજપીપળા આવી પહોંચ્યા હતા. જેથી તેમના પગે છાલા પણ પડી ગયા હતા.

 તેમણે એવી આશંકા વ્યક્ત કરી હતી કે લગભગ 100 થી વધુ કુટુંબો આ રીતે પગપાળા સુરતથી છોટાઉદેપુર તરફ જઈ રહ્યા છે. રાજપીપળાથી છોટાઉદેપુર જવા માટે હજુ બીજા 140 કિમીનું અંતર કાપવાનું બાકી છે ત્યારે આટલા કિમિ ચાલવું એમના માટે ઘણું મુશ્કેલ થઈ પડ્યું છે.આ પરિવાર સાથે નાના નાના બાળકો પણ છે ત્યારે છોટાઉદેપુર સુધી જવા તંત્ર દ્વારા કોઈ વ્યવસ્થા કરવામાં આવે એવી તેઓ માંગ કરી રહ્યા છે.

(8:16 pm IST)
  • શિયા વકફ બોર્ડના ચેરમેન વસીમ રીઝવીની તબિયત બગડી : શ્વાસ લેવાની તકલીફ : કોરોના હોવાનો ભયઃ ચરક હોસ્પિટલમાં દાખલ : કોરોના ટેસ્ટના સેમ્પલ લીધા : થોડા સમય પૂર્વે જ વિદેશયાત્રા કરીને પરત આવ્યા હતા access_time 4:09 pm IST

  • કોરોના આજની સ્થિતિ કુલ ૧૧ ના મોત : અત્યાર સુધીમાં પ૮ર કન્ફમ કેસઃ મહારાષ્ટ્રમાં ૧૧ર અને કેરળમાં ૧૦પ કેસ access_time 3:18 pm IST

  • ઉત્તર પ્રદેશમાં કોરોના વાઇરસ સામે ઝઝૂમવા રાજકીય આગેવાનોએ ઝોળી ખુલ્લી મૂકી દીધી : બીજેપી ,કોંગ્રેસ,બીએસપી ,સપા ,અપના દળ ,તથા ,અપક્ષ ,સહીત 38 નેતાઓએ 5 લાખથી 1 કરોડ રૂપિયા આપ્યા access_time 7:16 pm IST