Gujarati News

Gujarati News

News of Wednesday, 25th March 2020

ખંભાત તાલુકાના નગરા ગામે રાત્રીના સુમારે ફળિયામાં થયેલ કીચડ બાબતે ઠપકો આપતા ઉશ્કેરાયેલ શખ્સનો ધારિયાથી હુમલો :1 ગંભીર રીતે ઈજાગ્રસ્ત

ખંભાત: તાલુકાના નગરા ગામે આવેલા અંબા માતાના મંદિર પાસે ગઈકાલે રાત્રીના સુમારે ફળિયામાં થયેલા કીચડ બાબતે ફળિયાના આગેવાનને ઠપકો આપતાં ઉશ્કેરાયેલા આગેવાને ધારીયાથી હુમલો કરીને મોઢા તેમજ ડાબા હાથની કોણી ઉપર મારીને ફ્રેક્ચર કરી નાંખતા આ અંગે ખંભાત રૂરલ પોલીસે ગુનો દાખલ કરીને તપાસ હાથ ધરી છે.

મળતી વિગતો અનુસાર ખેતી અને મજુરી કરીને જીવન ગુજરાન ચલાવતા અજીતભાઈ શંકરભાઈ નાગરે ગઈકાલે રાત્રીના આઠેક વાગ્યાના સુમારે ફુલાભાઈ રણછોડભાઈ વણકરને કહેલ કે તમો આપણા ફળિયાના આગેવાન છો અને કીચડ આપણા ફળિયામાં થાય છે તો તે સાફ કરાવતા નથી તેમ કહીને ઠપકો આપતાં ફુલાભાઈ ગમેતેમ બોલવા લાગ્યા હતા અને ઘરમાંથી ઘારીયું લઈને આવી ધારીયાનું પુઠુ મોઢાના ભાગે તેમજ હાથની કોણી ઉપર મારી દેતાં ફ્રેક્ચર થઈ જવા પામ્યું હતુ. ત્યારબાદ જાનથી મારી નાંખવાની ધમકી આપી હતી.

 

(5:27 pm IST)
  • અમેરિકામાં સૌથી વધુ કોરોના કેસો : કુલ આંક 54,248 થયો access_time 11:05 pm IST

  • અમદાવાદ મ્યુનિસિપલ કમિશ્નરનો નિર્ણય : અમદાવાદમાં રીક્ષામાં જ શાકભાજી વહેચવામાં આવશે : લોકોએ ઘરની બહાર નીકળવુ નહિં પડે access_time 3:33 pm IST

  • માર્ચમાં યુનોની સિકયોરીટી કાઉન્સીલની બેઠક : અધ્યક્ષતા ચીન પાસે : ચીનની અવળચંડાઈ : આગામી યુનોની સિકયોરીટી કાઉન્સીલની બેઠકનું અધ્યક્ષપદ ચીન પાસે છે ત્યારે કોરોનાની ચર્ચા અંગે ચીને રીતસર અવળચંડાઈ આચરી છે. ચીનના વિદેશમંત્રીએ ગઈકાલે જ કહેલ કે કોરોના મહામારી અંગે ચીનને દોષિત ન ઠેરવો ઘણા દેશોએ કોરોના અંગે પ્રસ્તાવ મૂકયો છે પણ ચીન આ બેઠકમાં ચર્ચા કરવા દેવા નથી માંગતુ એ સ્પષ્ટ થયુ છે. access_time 1:05 pm IST