Gujarati News

સુરત: શહેરમાં હેલ્મેટ માટે પાંચ રૃપિયા ઓનલાઈન ટ્રાન્ઝેકશન કરવાનું કહી બુલેટ શો રૃમના કર્મચારીના સ્વાંગમાં ગઠિયાએ શિક્ષકને એક લીંક મોકલી તેમનું એકાઉન્ટ હેક કરી રૃ.7000 ઉપાડી લીધા હતા.

      પોલીસ સૂત્રો દ્વારા પ્રાપ્ત થતી વિગતો મુજબ મૂળ ભાવનગરના વતની અને સુરતમાં વરાછા લંબેહનુમાન રોડ કમલબાગ સોસાયટીમાં રહેતા 36 વર્ષીય અનંતભાઈ લલ્લુભાઈ કુકડીયા પોતાના ઘરે જ ટયુશન ક્લાસ ચલાવે છે. એક માસ અગાઉ તેમના પરિચિત ભરતભાઈ ગાગાણીએ રોયલ એન્ડફીલ્ડ શોરૃમનો નંબર માનતા તેમણે આપ્યો હતો. જોકે, થોડીવારમાં ભરતભાઈએ ફોન કરી શોરૃમવાળા હેલ્મેટ માટે પાંચ રૃપિયા ઓનલાઇન ટ્રાન્જેકશન કરવાનું કહે છે તેમ કહેતાં અનંતભાઈએ શોરૃમમાં એક વ્યક્તિ સાથે વાત કરી હતી.