Gujarati News

Gujarati News

News of Wednesday, 15th May 2019

ધારાસભ્ય જીજ્ઞેશ મેવાણી ખંભીસર ગામમાં : DySP ફાલ્ગુની પટેલ સામે એટ્રોસિટીનો ગુન્હો નોંધવા માંગ

કોઈપણ પ્રકારનું વૈમનષ્ય થાય એવું કશું ઉભું કરવા માંગતા નથી

મોડાસાના ખંભીસર પહોંચેલા જીગ્નેશ મેવાણીએ દલિતોના વરઘોડા પર થતા હુમલા અંગે ગૃહ મંત્રી પ્રદીપસિંહ જાડેજાએ કરેલી પ્રેસ કોન્ફરન્સ અંગે ટીકા કરી થાનગઢનો રિપોર્ટ દબાવીને બેઠા છે, ઉનાના અને ભાનુભાઈના પરિવારજનોને ન્યાય નથી મળ્યો,જમીનોના કબ્જા ફક્ત કાગળ પર, ઉભરાતી ગટરોમાં ઉતારી દલિતોને મારવાનું ચાલુ ગ્રામ્ય વિસ્તારોમાં આભડછેટ ચાલુ કઈ રીતે પ્રદીપસિંહ કહે છે કે દલિતોની સાથે છું. મજાક કરો છો આજે પણ આ પીડિત પરિવાર ભયના ઓથાર હેઠળ અને એફઆઈઆર લેવાતી નથી. આ પ્રદીપસિંહની કોન્ફરન્સ ખાલી હોવાનું અને દલિતોને કોઈ લાભ થતો ન હોવાનું જણાવ્યું હતું.

 ખંભીસર પીડિત પરિવારની મુલાકાતે પહોંચેલા વડગામના ધારાસભ્ય જીગ્નેશ મેવાણીએ ગામના કોઈપણ લોકો સાથે પૂર્વગ્રહ ન હોવાનું જણાવી આજે પણ દોસ્તીનો હાથ લંબાવવા તૈયાર હોય તો અમે સાથે બેસવા તૈયાર હોવાનું જણાવ્યું હતું અને કોઈપણ પ્રકારનું વૈમનષ્ય થાય એવું કશું ઉભું કરવા માંગતા નથી દલિતો પર થતા અત્યાચાર અંગે જીગ્નેશ મેવાણીને હાર્દિક પટેલ અને અલ્પેશ ઠાકોરના મૌન અંગે પુછાતા તેમને આ અંગે મીડિયાએ હાર્દિક પટેલ અને અલ્પેશ ઠાકોરને ને પૂછવું જોઈએ કહી ચુપકીદી સાધી લીધી હતી.

આઝાદીના ૭૨ વર્ષ પછી અનુ.જાતિ સમાજના યુવક જયેશ ડાહ્યાભાઈ રાઠોડના વરઘોડામાં ચુસ્ત પોલીસ બંદોબસ્ત હોવા છતાં ગામની મહિલાઓએ જાહેરમાર્ગ પર ભજન-કીર્તન કરી વરઘોડો અટકાવ્યા પછી પોલીસતંત્રની નિષ્ફળતાના પગલે બંને સમાજના લોકો આમને-સામને આવી જતા ઘર્ષણ થતા વરઘોડો અધૂરો રહ્યો હતો ત્યારબાદ ગામમાં તંગદિલી ભર્યું વાતાવરણ જોવા મળી રહ્યું છે વડગામના ધારાસભ્ય અને દલિત અધિકાર મંચના જીગ્નેશ મેવાણી બુધવારે પીડિત પરિવારની મુલાકાત લીધી હતી અને પોલીસતંત્રની નિષ્ફળતા થી ઘર્ષણની સ્થિતિ પેદા થઈ હોવાનું જણાવી મહિલા ડીવાયએસપી ફાલ્ગુની પટેલ સામે એટ્રોસિટીની ફરિયાદ નોંધવાની માંગ કરી હતી અને અરવલ્લી અને મોડાસા પોલીસ દલિત વિરોધી માનસિકતા સાથે વર્તી રહી હોવાનો આક્ષેપ કર્યો હતો.

(7:11 pm IST)
  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST

  • અમેરિકના પ્રાંત અલબામામાં ગર્ભપાત પર લાગ્યો પ્રતિબંધ :આરોપી ડોક્ટરને મળશે 99 વર્ષની જેલસજા :અલબામાની સેનેટે ગર્ભપાત પર પ્રતિબંધવાળા વિધેયકને પસાર કર્યો ; વિધેયકની જોગવાઈ મુજબ ગર્ભપાત કરનાર ડોક્ટરને 99 વર્ષની જેલ થશે access_time 1:06 am IST

  • ચૂંટણી પંચની આકરી કાર્યવાહી બાદ મમતા બેનર્જી ધુંવાફુંવા :કહ્યું પીએમ નરેન્દ્રભાઈ મોદીને હટાવો;દેશ બહાર કાઢી મુકો :કોલકતામાં થયેલી હિંસાના વિરોધમાં પદયાત્રા કર્યા બાદ મમતાએ કહ્યું કે મોદીએ મારા બંગાળ અને બંગાળીયતનું અપમાન કર્યું :મમતાએ એવો પણ આરોપ લગાવ્યો કે અમિતભાઇ શાહના રોડ શોમાં 15 થી 20 કરોડનો ખર્ચ થયો access_time 1:18 am IST