Gujarati News

Gujarati News

News of Wednesday, 15th May 2019

ખંભાત તાલુકાના નાના કલોદરામાં મધરાત્રે ડાન્સ કરવા બાબતે બબાલ: સામસામે હિંસક હુમલામાં મહિલા ઈજાગ્રસ્ત

ખંભાત:તાલુકાના નાના કલોદરા ગામે આવેલા મંગળ ફળિયા પાસે ગઈકાલે મધરાત્રે વરઘોડામાં ડીસ્કો નહીં કરવા બાબતે આપેલા ઠપકાની અદાવતમાં મારક હથિયારો સાથે હુમલો કરીને ઘરોમાં ઘુસી જઈને ઘરવખરી, રીક્ષા, એક્ટીવા, બાઈક, આઈશર ટેમ્પામાં મૂકેલા ડીજે સહિત ૧૭ જેટલા વાહનોની તોડફોડ કરીને ભયનું વાતાવરણ સર્જી દેતાં ચકચાર મચી જવા પામી છે. પથ્થરમારામાં ઘવાયેલી એક મહિલાને સારવાર માટે હોસ્પિટલમાં લઈ જવામાં આવી હતી. પોલીસે ગુનો દાખલ કરીને ચારથી પાંચ શખ્સોની સ્થળ પરથી જ ધરપકડ કરીને કાર્યવાહી હાથ ધરી છે. 

મળતી વિગતો અનુસાર નાના કલોદરા ગામે રહેતા રાજુભાઈ મંગળભાઈ પટેલના પુત્ર અંકિતના લગ્નપ્રસંગે ગઈકાલે રાત્રીના સુમારે વરઘોડો નીકળ્યો હતો. રાત્રીના સાડા બારેક વાગ્યાના સુમારે મંગળ ફળિયાએ આવતાં જ ત્યાં ડીજે ઉપર કોની પડે એન્ટ્રી, પટેલની પડે એન્ટ્રી ગીત વારંવાર વગાડીને યુવકો દ્વારા ડીસ્કો કરતા હતા. જેને લઈને ત્યાં ઊભેલા વિજયભાઈ ગાંડાભાઈ ચાવડા તથા અન્ય યુવકોએ ઠપકો આપીને ડીસ્કો કરવાની ના પાડી હતી. જેથીે ગૌરાંગ મુળજીભાઈ પટેલ અને સીતારામ મણીભાઈ પટેલે બોલાચાલી કરી આ ફળિયુ તારા બાપનું છે, છોકરાઓ અહીંયા જ ડીસ્કો કરશે તેમ કહીને ગાળાગાળી ચાલુ કરી દીધી હતી. તેમનુું ઉપરાણું લઈને અન્ય પટેલો હાથમાં લાકડાનાં ડંડા, લોખંડની પાઈપ, બેટ વગેરે લઈને મંગળ ફળિયામાં દેકારા પડકારા કરીને ઘૂસી ગયા હતા. જયાં ઘરોમાં તોડફોડ કરીને બહાર પાર્ક કરેલ એક્ટીવા, રીક્ષા, બાઈક તેમજ આઈશર ટેમ્પામાં મૂકેલ ડીજે સહિત ૧૭ જેટલા વાહનોની તોડફોડ કરી હતી. આ ઉપરાંત પથ્થરમારો થતાં શીલાબેન નામની મહિલાને માથામાં પથ્થર વાગતાં તે લોહીલુહાણ થઈ જવા પામ્યા હતા. 

(5:46 pm IST)
  • આતંકી સંગઠન જૈશ-એ-મોહમ્મદના નાસી છૂટેલા આતંકીને દિલ્હી પોલીસે શ્રીનગરથી ઝડપી લીધો: તે પાકિસ્તાન કબ્જાગ્રસ્ત કાશ્મીર ભણી નાસી છૂટવાની પેરવીમાં હતો access_time 11:17 am IST

  • માતોશ્રીમાં બૉમ્બ બ્લાસ્ટનું ઘડાયું હતું ષડ્યંત્ર : 1989માં ઠાકરેએ ખુદ પરિવારજનોને બંગલો છોડવા કહ્યું હતું ; નારાયણ રાણે access_time 1:19 am IST

  • મમતા બેનર્જીના ચૂંટણી પ્રચાર પર પ્રતિબંધ મુકવા ભાજપની માંગણી :દિલ્હીમાં ભાજપના પ્રતિનિધિ મંડળે ચૂંટણી આયોગ સમક્ષ રજુઆત કરી ;ભાજપે આક્ષેપ કર્યો કે મમતા બેનર્જીએ ભાજપને નિશાન બનાવવા હિંસામાં સહભાગી થયા છે :તેણીએ ટીએમસીના કાર્યકરોને હુમલો કરવા ઉશ્કેર્યા હતા access_time 1:27 am IST