Gujarati News

Gujarati News

News of Wednesday, 15th May 2019

આજથી બે દિ' કયાંક વરસાદની શકયતા

સૌરાષ્ટ્ર-કચ્છમાં વાતાવરણ પલ્ટાશે : રવિવાર સુધી તાપમાન ઘટશે

અમદાવાદ : રાજયમાં આજથી બે દિવસ સુધી છુટાછવાયા ઝાપટાની આગાહી કરવામાં આવી છે. આજથી બે દિવસ દરમિયાન હળવાથી મધ્યમ કમોસમી વરસાદની હવામાન આગાહી કરી રહ્યુ છે, જેને લીધે બે દિવસ રાજયના લોકોને ગરમીથી આંશિક રાહત મળશે. પશ્ચિમમાંથી ઉત્તર પશ્ચિમ દિશા તરફના પવન ફૂંકાવાને કારણે વાતાવરણ સુકુ બન્યુ છે અને ગરમીમાં સતત વધારો થયો છે.

હવામાન વિભાગના જણાવ્યા પ્રમાણે ગરમી ઘટી શકે છે અને ગુજરાતમાં અનેક જગ્યાએ વરસાદી ઝાપટા પડવાની શકયતાઓ છે.

વેસ્ટર્ન ડિસ્ટર્બન્સ અને પશ્ચિમ ઈરાનમાં સર્જાયેલુ અપરએર સાયકલોનીક સરકયુલેશન આજે દક્ષિણ પાકિસ્તાન વિસ્તારોમાં પહોંચશે. જેની અસરોથી ૧૪ થી ૧૮ મે દરમિયાન તાપમાન સામાન્ય કે સામાન્યથી નીચુ રહેશે. ગુજરાત, સૌરાષ્ટ્ર અને કચ્છમાં કયાંક વરસાદી છાંટા પડવાની શકયતાઓ છે.

(1:20 pm IST)
  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST

  • ઈશ્વરચંદ્ર વિદ્યાસાગરના પૂતળાના ભાંગી ગયેલ ટૂકડાઓ સાથે પ.બંગાળના મુખ્યમંત્રી મમતા બેનર્જી નજરે પડી રહ્યા છેઃતેઓ આજે વિદ્યાસાગર કોલેજે આ ટૂકડાઓ સાથે ગયા હતા access_time 3:36 pm IST