Gujarati News

Gujarati News

News of Wednesday, 15th May 2019

હવે અમદાવાદ સહીત રાજ્યના અન્ય રેલ સ્ટેશનોમાં રેલનીર બ્રાન્ડ સિવાયનું પાણી વેચી શકાશે નહીં : રેલવે બોર્ડનો આદેશ

સાણંદના પ્લાન્ટમાં દરરોજ 90 હજારથી એક લાખ પાણીની બોટલો એટલે કે 6 હજારથી વધુ બોક્સ તૈયાર કરાશે

અમદાવાદ :રેલવે બોર્ડના આદેશ બાદ અમદાવાદ સહિત રાજ્યના અન્ય સ્ટેશનો પર સોમવારથી રેલનીર બ્રાન્ડ સિવાયનું પાણી વેચી શકાશે નહીં. આ આદેશના પગલે આ સ્ટેશનો પર અન્ય બ્રાન્ડની પાણીની બોટલોનું વેચાણ બંધ કરી દેવાશે. જો કોઈ સ્ટોલ ધારક અન્ય બ્રાન્ડનું પાણી વેચશે તો તેની સામે પગલાં લેવામાં આવશે.

ઇન્ડિયન રેલવે કેટરિંગ એન્ડ ટૂરિઝમ કોર્પોરેશન (આઈઆરસીટીસી) દ્વારા અમદાવાદ નજીક સાણંદ ખાતે શરૂ કરાયેલા રેલનીર પ્લાન્ટમાંથી આ સ્ટેશનો પર રેલનીર પહોંચાડવામાં આવશે. સાણંદના પ્લાન્ટમાં દરરોજ 90 હજારથી એક લાખ પાણીની બોટલો એટલે કે 6 હજારથી વધુ બોક્સ તૈયાર કરવામાં આવશે.

  રાજ્યના અમદાવાદ , પાલનપુર, વીરમગામ, ગાંધીનગર, મણિનગર, સાબરમતી, સુરેન્દ્રનગર, નડિયાદ, ગાંધીધામ, મહેસાણા, રાજકોટ, ભાવનગર, જામનગર, દ્વારકા, ઓખા, આણંદ, ગોધરા, ભરૂચ, અંકલેશ્વર, દાહોદ, આબુરોડ, ઉદયપુર સિટીના સ્ટેશનમાં રેલનીર વેચાણ થશે 

(12:37 pm IST)
  • અલાસ્કામાં બે વિમાનો દુર્ઘટનાગ્રસ્તઃ ૧૦ લોકો લાપતા : અમેરિકાના અલાસ્કામાં બે વિમાનો દુર્ઘટનાગ્રસ્ત થતાં ૧૦ લોકો લાપતા થયા છે : બે વિમાનમાં કુલ ૧૬ લોકો સવાર હતા : મીડીયા રિપોર્ટ અનુસાર દક્ષિણ પૂર્વ અલાસ્કાના કેટચિકાન નજીક અમેરીકી તટગાર્ડે બચાવ અભિયાન શરૂ કર્યુ છે access_time 1:12 pm IST

  • આતંકી સંગઠન જૈશ-એ-મોહમ્મદના નાસી છૂટેલા આતંકીને દિલ્હી પોલીસે શ્રીનગરથી ઝડપી લીધો: તે પાકિસ્તાન કબ્જાગ્રસ્ત કાશ્મીર ભણી નાસી છૂટવાની પેરવીમાં હતો access_time 11:17 am IST

  • ઈશ્વરચંદ્ર વિદ્યાસાગરના પૂતળાના ભાંગી ગયેલ ટૂકડાઓ સાથે પ.બંગાળના મુખ્યમંત્રી મમતા બેનર્જી નજરે પડી રહ્યા છેઃતેઓ આજે વિદ્યાસાગર કોલેજે આ ટૂકડાઓ સાથે ગયા હતા access_time 3:36 pm IST