Gujarati News

Gujarati News

News of Thursday, 8th November 2018

સુરતઃ 25 મહિલા હોમગાર્ડનો સીનિયર ઓફિસર્સ પર જાતીય સતામણીનો આરોપ

સુરતઃ 25 જેટલી મહિલા હોમગાર્ડ દ્વારા પોતાના સીનિયર અધિકારીઓ વિરુદ્ધ જાતીય અને માનસિક સતામણીનો આરોપ લગાવવામાં આવ્યો છે. આ બાદ હવે સુરત હોમ ગાર્ડ કમાન્ડન્ટે શુક્રવારે આરોપો પર એક્શન લેવાનો ઓર્ડર આપી દીધો છે.

સુરત પોલીસ કમિશનરને શુક્રવારે એક પત્ર લખીને મહિલાઓ દ્વારા આરોપ લગાવાયા છે કે ઓફિસર ભાવના કંથરિયા અને ઓફિસર કમાન્ડીંગ સોમનાથસિંહ જી. ગ્રેહવાલ તેમને પોતાની ડ્યૂટી કરતા અટકાવતા અને શારીરિક તથા માનસિક રીતે યાતનાઓ આપતા હતા. પત્રમાં મહિલાએ પોતાના બંને સીનિયર્સ પર ભ્રષ્ટાચારનો આરોપ લગાવ્યો છે. તેમણે આરોપ લગાવ્યો છે કે તેઓને પુરુષ અધિકારીઓ સાથે સમય પસાર કરવા માટે કહેવામાં આવતું અને ઈનકાર કરવા પર તેમને ધમકી આપવામાં આવતી.
એપ્લિકેશનમાં લખ્યા મુજબ એક મહિલા હોમગાર્ડને પુરુષ ઓફિસરે કહ્યું કે, જો તું મને ખુશ નહીં રાખે તો હું તને પોસ્ટિંગ નહીં આપું અથવા એવી જગ્યા પર પોસ્ટ કરીશ જ્યાં તું સમય પર નહીં પહોંચી શકે. એપ્લિકેશનમાં એવું પણ લખવામાં આવ્યું છે કે પુરુષ અધિકારીઓ મહિલા હોમ ગાર્ડના યુનિફોર્મ ચેક કરવાના બહાને સ્પર્શ કરતા હતા. આ પહેલીવાર છે જ્યારે મહિલા હોમ ગાર્ડ્સ દ્વારા આ પ્રકારની ફરિયાદ કરવામાં આવી છે.
સુરત હોમ ગાર્ડ કમાન્ડન્ટ ડો. પ્રફુલ શિરોયાએ કહ્યું, મેં આ મામલાની તપાસ ડેપ્યુટી કમાન્ડન્ટને સોંપી છે જે ત્રણ દિવસમાં રિપોર્ટ સોંપશે. રિપોર્ટ સબિમીટ થયા પછી આગળની કાર્યવાહી કરવામાં આવશે.
ત્યારે શહેર પોલીસ કમિશનર સતિષ શર્માએ કહ્યું કે, સમગ્ર મામલાને લોકલ લેવલ કમ્પલેઈન કમિટીને સોંપવામાં આવ્યો છે જેની રચના કામના સ્થળે મહિલાઓના જાતીય શોષણના કાયદો 2013 અંતર્ગ થઈ છે, DCP વિધી ચૌધરી તેના હેડ છે. કમિટી દ્વારા મામલાની તપાસ કરવામાં આવશે.

 

(4:02 pm IST)
  • રાજકોટ : ગોંડલ તાલુકાની ગોમટા ચોકડી પાસે છકડો રીક્ષા પલ્ટી:રીક્ષામાં સવાર 7 વ્યક્તિઓને ઈજા : ઈજાગ્રસ્તોને ગોંડલ સરકારી હોસ્પિટલમાં સારવાર અર્થે ખસેડવામાં આવ્યા : રીક્ષા ચાલક બનાવના સ્થળે રીક્ષા મૂકીને ફરાર access_time 7:08 pm IST

  • દિવાળીના તહેવારોમાં સ્ટેચ્યુ ઓફ યુનિટી ખાતે પ્રવાસીઓનો ધસારો : 2 દિવસમાં 70 લાખની આવક આજથી લેસર શો શરૂ નવા વર્ષના પ્રથમ દિવસે 20 હજાર પ્રવાસીઓના આગમનનું અનુમાન. આજે 4 વાગ્યા સુધીમાં 16,036 પ્રવાસીઓ નોંધાયા. પ્રવાસીઓના ઘસારાને ધ્યાને રાખી 5 વાગ્યે ટિકીટ કાઉન્ટર કરાયું બંધ. દિવાળીના દિવસે 11,219 પ્રવાસીઓએ લીધી હતી મુલાકાત. નિગમને છેલ્લા 2 દિવસમાં 70 લાખથી વધુની થઇ આવક. પ્રવાસીઓ માટે બસની સુવિધા પણ પડી ઓછી. સ્ટેચ્યુ ઓફ યુનિટી ખાતે આજથી લેસર શો કરાયો શરૂ. આજે 6.30 થી 8 વાગ્યા સુધી યોજાશે લેસર શો. access_time 6:42 pm IST

  • સુરત : લીંબાયતના ગોવિંદનગરમાં સંચાના કારખાનામાં આગ લાગી : પ્લોટ નંબર 46,47,48 માં લાગી આગ:ફાયરની 6 ગાડીઓ દ્વારા આગ પર કાબુ મેળવવાના પ્રયત્ન ચાલુ access_time 7:10 pm IST