Gujarati News

Gujarati News

News of Thursday, 8th November 2018

ગાંધીનગરના સચિવાલયમાં ઘૂસેલા દીપડાને છેક સાસણના જંગલમાં છોડી મૂકાશે

અમદાવાદ: અડધી રાત્રે સચિવાલયમાં ઘૂસી ગયેલા અને કલાકો પછીની જહેમત બાદ પકડાયેલા દીપડાને જૂનાગઢ લઈ જવાયો છે. આ દીપડાને જંગલમાં છોડી મૂકાશે કે પછી તેને પ્રાણી સંગ્રહાલયમાં રખાશે તે હજુ નક્કી નથી. જૂનાગઢના ચીફ કન્ઝર્વેટર ઓફ ફોરેસ્ટ્સ દુશ્યંત વસાવડાએ આ અંગે જણાવ્યું હતું કે, દીપડાને સાસણના જંગલ વિસ્તારમાં છોડી મૂકાશે.

જંગલમાં છોડતા પહેલા દીપડાને થોડો સમય વન વિભાગ પોતાની કસ્ટડીમાં રાખશે, અને તેનું પૂરતું હેલ્થ ચેકઅપ કરી, થોડો સમય ઓબ્ઝર્વેશનમાં રાખ્યા બાદ તેને મુક્ત કરી દેવાશે. દીપડાને જૂનાગઢ મોકલાયો તે પહેલા પણ ગાંધીનગરમાં તેનું હેલ્થ ચેકઅપ કરાયું હતું. દીપડાને એવા વિસ્તારમાં જ છોડવામાં આવશે કે જ્યાં તેને પુરતો ખોરાક તેમજ પાણી મળી રહે અને અન્ય પ્રાણીઓની તેને કનડગત ન થાય.

મહત્વનું છે કે, સોમવારે દીપડો સચિવાલયમાં ઘૂસી ગયો હતો, અને તેના કારણે દહેશતનો માહોલ ઉભો થતાં હજારો કર્મચારીઓ કામકાજથી અળગા રહ્યા હતા. પહેલીવાર સચિવાલયમાં વર્કિંગ ડે હોવા છતાં કોઈ કામ નહોતું થઈ શક્યું. દીપડાને પકડવા માટે વન વિભાગે કલાકો સુધી કામગીરી કરી હતી, અને આખરે એક નાળામાંથી તેને ઝડપી લેવાયો હતો.

આ દીપડો ક્યાંથી સચિવાલયમાં આવ્યો તે શોધવા હજુય કાર્યવાહી ચાલી રહી છે. ફરી આવી ઘટના ન થાય તે માટે સચિવાલયના દરવાજાઓની નીચેની તરફ પણ સેફ્ટી રોડ્સ લગાવવાની કામગીરી શરુ કરી દેવાઈ છે.

(2:03 pm IST)
  • રાજકોટ : ગોંડલ તાલુકાની ગોમટા ચોકડી પાસે છકડો રીક્ષા પલ્ટી:રીક્ષામાં સવાર 7 વ્યક્તિઓને ઈજા : ઈજાગ્રસ્તોને ગોંડલ સરકારી હોસ્પિટલમાં સારવાર અર્થે ખસેડવામાં આવ્યા : રીક્ષા ચાલક બનાવના સ્થળે રીક્ષા મૂકીને ફરાર access_time 7:08 pm IST

  • શિવસેનાએ કહ્યું પેટાચૂંટણીમાં ભાજપની હાર કોંગ્રેસ માટે 'અચ્છે દિન 'ના સંકેત :શિવસેનાએ એમ પણ કહ્યું કે દેશમાં થયેલ લોકસભા અને વિધાનસભા પેટાચૂંટણીમાં ભાજપની હારથી કોંગ્રેસમાં એક નવો જીવ આવશે :મુંબઈ અને કર્ણાટકની પેટાચૂંટણીમાં પોતાના જ સાથી પક્ષના પરાજય પર શિવસેનાએ વાક્બાણ છોડ્યા હતા access_time 12:59 am IST

  • ભાગેડુ વિજય માલ્યા વિરુદ્ધ લુકઆઉટ સર્ક્યુલર બદલી નાખવા સબંધી રેકોર્ડનો ખુલાસો કરવા સીબીઆઈનો નનૈયો :પુણેના નિવાસી વિહાર દુર્વેની એક આરટીઆઈ અરજીના જવાબમાં તપાસ એજન્સી સીબીઆઈએ માહિતી આપવા ઇન્કાર કરતા માહિતી અધિકાર અધિનિયમની કલમ આઠ (1 ) નો ઉલ્લેખ કર્યો :સીબીઆઈએ ભાગેડુ કારોબારી વિજય માલ્યા વિરુદ્ધ લુકઆઉટ સર્ક્યુલર (એલઓસી )ને નબળી બનાવી હોવાનું ચર્ચિત છે access_time 1:00 am IST