Gujarati News

Gujarati News

News of Thursday, 8th November 2018

ગાંધીનગરમાં દીપડા બાદ જંગલી બિલાડીએ તંત્રને દોડાવ્યું

 

ગાંધીનગરમાં એક દીપડો પાંજરે પુરાયા બાદ બીજો દીપડો પણ આવ્યો હોવાની અફવાના કારણે વન વિભાગ દ્વારા પાટનગરમાં 14 લાખ ચોરસ મીટર જેટલો વિસ્તાર ખૂંદી નાખવામાં આવ્યો હતો. પરંતુ જીઈબી પાસે દીપડાના બદલે જંગલી બિલાડી હોવાનું વન વિભાગે કહ્યું છે.

 ગાંધીનગરમાં બે દિપડા આવ્યાં હોવાની અફવાનાં પગલે CCTV ફૂટેજનો સહારો લેવામાં આવ્યો હતો. જેનાં આધારે ગાંધીનગરના થર્મલ પાવર પાસે આવેલા એક બોર નજીક દીપડા જેવું કોઈ પ્રાણી દેખાયું હતું. જેની સધન તપાસના અંતે વન વિભાગે કહ્યું છે કે, પ્રાણી દીપડો નથી પરંતુ જંગલી બિલાડી છે

  . ગાંધીનગરમાં નવા સચિવાલયમાં ઘૂસેલો દીપડો પુનિત ધામ પાસે પાંજરે પૂરાયો હતો. દીપડો પાંજરે પૂરાયા છતાં પાટનગરમાં બીજો દીપડો પણ હોવાની અફવા જોરશોરથી ચાલુ રહી હતી. જેના કારણે વનવિભાગ દ્વારા એક દિવસમાં પાટનગરમાં 14 લાખ ચોરસમીટર વિસ્તારને ખૂંદી કાઢવામાં આવ્યો હતો. જેમાં કંઈ હાથ નહીં લાગતાં વન વિભાગ દ્વારા સર્ચ ઓપરેશન પૂરું થયું હોવાનું જાહેર કરાયું હતું.

(10:21 pm IST)
  • શિવસેનાએ કહ્યું પેટાચૂંટણીમાં ભાજપની હાર કોંગ્રેસ માટે 'અચ્છે દિન 'ના સંકેત :શિવસેનાએ એમ પણ કહ્યું કે દેશમાં થયેલ લોકસભા અને વિધાનસભા પેટાચૂંટણીમાં ભાજપની હારથી કોંગ્રેસમાં એક નવો જીવ આવશે :મુંબઈ અને કર્ણાટકની પેટાચૂંટણીમાં પોતાના જ સાથી પક્ષના પરાજય પર શિવસેનાએ વાક્બાણ છોડ્યા હતા access_time 12:59 am IST

  • ભાગેડુ વિજય માલ્યા વિરુદ્ધ લુકઆઉટ સર્ક્યુલર બદલી નાખવા સબંધી રેકોર્ડનો ખુલાસો કરવા સીબીઆઈનો નનૈયો :પુણેના નિવાસી વિહાર દુર્વેની એક આરટીઆઈ અરજીના જવાબમાં તપાસ એજન્સી સીબીઆઈએ માહિતી આપવા ઇન્કાર કરતા માહિતી અધિકાર અધિનિયમની કલમ આઠ (1 ) નો ઉલ્લેખ કર્યો :સીબીઆઈએ ભાગેડુ કારોબારી વિજય માલ્યા વિરુદ્ધ લુકઆઉટ સર્ક્યુલર (એલઓસી )ને નબળી બનાવી હોવાનું ચર્ચિત છે access_time 1:00 am IST

  • ભરૂચઃ નવા વર્ષે જ અકંલેશ્વર ખાતે ચાર અલગ-અલગ સ્થળે સર્જાયેલા ખમખ્વાર અક્સમાતમાં ચાર લોકોના મોત નીપજ્યા હતા. અમદાવાદ-બરોડા એક્સપ્રેસ હાઈ વે પર બે અકસ્માત સર્જાયેલા નવા વર્ષે જ હાઈ વે લોહીથી ખરડાયો હતો. ઘટનાની જાણ થતા અંકલેશ્વર પોલીસ ઘટના સ્થળે પહોંચી હતી. અને વધુ તપાસ હાથ ધરી હતી access_time 8:05 pm IST