Gujarati News

Gujarati News

News of Thursday, 11th October 2018

અમદાવાદમાં નવરાત્રીને વધાવવા યુવાધન સજ્જઃ ખેલૈયાઓમાં અલગ જ જોમ-જુસ્સો

અમદાવાદઃ આજે તો હવે ગમે તે ઘરમાં જાવ કે ઓફિસમાં સુદ્ધા તમને એક અલગ જોમ ઉત્સાહ સાથે આટલું તો ચોક્કસ સાંભળવા મળશે, અરે સાંભળવાનું ક્યાં તમે પણ ચાર વસ્તુ તો ચેક કરી હશે. જો નહીં તો ઉતાવળ કરોશોપિંગચેક! પાસનું ગોઠવવાનુંચેક! સલૂનમાં વિઝિટ….ચેક! નવેનવ રાતના અલગ અલગ આઉટફિટચેક! ક્યાં ક્યાં જવાનું ફ્રેન્ડ્સ સાથે પ્લાનિંગચેક! હાશ તો ફાઇનલી ઓલ ડન છેતો હવે ચાલો રમવા

શહેરમાં 45 જેટલા કોમર્શિય અને 55 જેટલા શેરી ગરબાનું આયોજન

ટ્રાફિક પોલીસના સૂત્રોના જણાવ્યા મુજબ શહેરમાં 45 જેટલી જગ્યાએ પાસ આધારિત ગરબા ઉત્સવને મંજૂરી આપવામાં આવી છે. જોકે ગત વર્ષે આંકડો 56 હતો. જ્યારે શેરી ગરબા જેવી મંજૂરી માટે ફક્ત જે તે વિસ્તારોના પોલીસ સ્ટેશનમાંથી મંજૂરી લેવાની હોય છે. તેથી જો કુલ મળીને જોઈએ તો અમદાવાદમાં 100 જેટલી ગરબી યોજાય છે.

ટ્રાફિક રુલ મામલે પોલીસ કડક મૂડમાં જોવા મળશે

આમ તો વર્ષે ગરબી મંડળને મંજૂરી માટેના તમામ નીયમો લગભગ ગત વર્ષ સમાન છે. પરંતુ બે નવી વસ્તુ એડ કરવામાં આવી છે તે છે પાર્કિંગની પૂરતી વ્યવસ્થા અને નજીકના રસ્તા પર ટ્રાફિક જામ થાય તે જોવાની તકેદારી જે તે ગરબા આયોજકો પર નાખવામાં આવી છે. આસિ.પોલીસ કમિશનર એમ.કે. રાણાએ કહ્યું કે, ‘ગરબામાં એન્ટ્રી સ્થાને ડોર મેટલ ડિટેક્ટર અને હેન્ડ મેટલ ડિટેક્ટર રાખવા, તેમજ સીસીટીવી કેમેરા જેવી શરતો વર્ષે પણ રાખવામાં આવી છે.’ તેમજ વર્ષે પોલીસ પણ ચેક કરશે કે જેટલા પાસ ઇશ્યુ કર્યા છે તેટલી પાર્કિંગ વ્યવસ્થા છે કે નથી. જો ટ્રાફિક રુલ્સ પાળવામાં ઓર્ગેનાઇઝર્સ ચૂકશે તો તેમની સામે કડક હાથે કામ લેવામાં આવશે.’

(5:50 pm IST)