Gujarati News

Gujarati News

News of Monday, 4th June 2018

ગુજરાતના થર્મલ પાવર પ્લાન્ટોમાં કોલસાની તીવ્ર અછત:વીજળીની તંગી સર્જાવાની ભીતિ

 

વડોદરા: ગુજરાતના થર્મલ પાવર પ્લાન્ટોમાં હાલ કોલસાની તીવ્ર અછત ઉભી થઈ છેજેના કારણે પાવર પ્લાન્ટોની કામગીરી બંધ કરવી પડે તેવી સંભાવના છે આ અંગે જો તાત્કાલિક પગલાં નહીં લેવામાં આવે તો રાજ્યમાં વીજળીની તંગી ઊભી થઈ શકે છે.તેમ GSECLના એક અધિકારીએ જણાવ્યું હતું.

  રાજ્ય સરકારે વીજળીની તંગીને ટાળવા માટે ગાંધીનગર, ઉકાઈ અને વણાકબોરી ખાતેના પ્લાન્ટોને પૂરતો કોલસો મળે એ માટે રેલવે અને વીજ મંત્રાલય સાથે આ મુદ્દે ચર્ચા કરી હતી.

  આ પાવર પ્લાન્ટો 4000 મેગાવોટની તેમની સ્થાપિત ક્ષમતા સાથે સરેરાશ 3000 મેગાવોટ જેટલી વીજળી પેદા કરે છે. વધુમાં સૌરાષ્ટ્રમાં સિક્કા ખાતેના પાવર પ્લાન્ટ બીજી 500 મેગાવોટની ક્ષમતા ધરાવે છે. આ બધા પ્લાન્ટો કોલસાની આયાત કરે છે, તેમ અધિકારીએ જણાવ્યું હતું.

  ગુજરાતમાં થર્મલ પાવર પ્લાન્ટો કોલસાની તીવ્ર તંગીનો સામનો કરી રહ્યાં છે અને એક કરતા ઓછા દિવસના સ્ટોક પર ચાલી રહ્યાં છે. સુત્રોના જણાવ્યા અનુસાર જો સપ્લાઈમાં વિક્ષેપ પડશે તો, તેનાથી સંખ્યાબંધ પ્લાન્ટો બંધ થઈ જશે, અને રાજ્યામાં વીજળીની તંગી ઉભી થશે

 . ગુજરાત સ્ટેટ ઈલેક્ટ્રિસિટી કોર્પોરેશન (GSECL)એ ગુજરાત ઉર્જા વિકાસ નિગમની પેટા કંપની છે. અને તે આ સ્ટેશનોમાં વીજ ઉત્પાદન પર દેખરેખ રાખે છે.

(11:47 pm IST)
  • ભારતીય મહિલા ક્રિકેટ ટીમે રવિવારે એશિયા કપમાં જીત સાથે શરૂઆત કરી છે. મલેશિયા વિરૂદ્ધ પોતાની પહેલી મેચમાં મિતાલી રાજે 97 રનની અણનમ ઈનિંગની મદદથી ભારતીય ટીમે મલેશિયાને 142 રનથી માત આપી છે. ટાર્ગેટનો પીછો કરવા માટે ઉતરેલ મલેશિયાની ટીમની બેટિંગ લાઈન પત્તાના મહેલની જેમ તૂટી પડી હતી. ટીમનો એકપણ ખેલાડી બે આંકડાના સ્કોર સુધી પહોંચી શક્યો નહતો. બોલરોના શાનદાર પ્રદર્શનથી મલેશિયાની ટીમને માત્ર 27 રન પર ઓલઆઉટ કરી દિધી હતી. access_time 2:48 am IST

  • હવે પંજાબ નેશનલ બેંક અને ICICIના ગ્રાહકોને પણ લોન પર વધુ વ્યાજ ચૂકવવુ પડશે કેમ કે, એસબીઆઈ બાદ હવે પંજાબ નેશનલ બેંક અને આઈસીઆઈસીઆઈએ પણ પોતાના વ્યાજદરોમાં વધરો કરી દીધો છે. આઈસીઆઈસીઆઈએ 5 વર્ષ માટે પોતાના લેંડિંગ રેટને 10 બેઝિઝ પોઈન્ટ્સ વધારતા 8.70 ટકા કરવાનો નિર્ણય લીધો છે. જો કે લોન 3 મહિના માટે હશે તો વ્યાજદરમાં ફેર નહિ પડે. access_time 12:22 am IST

  • મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,08 રૂપિયા અને ડીઝલનો ભાવ લિટરે 74,00 રૂપિયા થશે :રાજ્ય પ્રમાણે કરવેરા અલગ થશે:છેલ્લા છ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:23 am IST