Gujarati News

Gujarati News

News of Monday, 4th June 2018

સુઝુકીઅે ગુજરાતમાં બે કરોડમી કારનું નિર્માણ કર્યુંઃ જાપાન પછી ભારત બીજો અેવો દેશ બન્યો જ્યાં આટલી મોટી સંખ્‍યામાં કારનું પ્રોડકશન થયુ હોય

ફોટોઃ gujarat plant ma suzuki e bnavi 2 karod mi gaadi

અમદાવાદઃ સુઝુકીએ ભારતમાં બે કરોડ કારના પ્રોડક્શનનો આંક વટાવ્યો છે. કંપનીની બે કરોડમી કાર સ્વિફ્ટનું પ્રોડક્શન ગુજરાતના પ્લાન્ટમાં થયું હતું. જાપાન પછી ભારત બીજો એવો દેશ છે, કે જ્યાં સુઝુકીએ આટલી કાર્સનું પ્રોડક્શન કર્યું હોય. સુઝુકીએ આ મુકામ 34 વર્ષ અને 5 મહિનાના ગાળામાં હાંસલ કર્યો છે. જ્યારે, જાપાનમાં આટલું જ પ્રોડક્શન કરતા તેને 45 વર્ષ અને 9 મહિના થયા હતા.

સુઝુકીના બે કરોડ યુનિટ્સમાંથી સૌથી વધુ પ્રોડક્શન તેના સૌથી પોપ્યુલર મોડેલ અલ્ટોનું થયું છે. સુઝુકીએ અત્યાર સુધી 31.7 લાખ અલ્ટો કારનું પ્રોડક્શન કર્યું છે. કંપનીએ 1983થી ભારતમાં પોતાની શરુઆત કરી હતી, અને તેણે મારુતિ સાથે મળીને પહેલી કાર મારુતિ 800 બનાવી હતી. ત્યારથી આજ સુધી સુઝુકીએ પાછું વળીને નથી જોયું.

આજે સુઝુકી ગુરગાંવ, માનેસર તેમજ ગુજરાતમાં આવેલા પોતાના પ્લાન્ટ્સમાં ગાડીઓનું ઉત્પાદન કરે છે. હાલની તારીખમાં સુઝુકીના કુલ 16 મોડેલ્સનું પ્રોડક્શન ચાલુ છે. જેમાં ડિઝાયર, બલેનો, અલ્ટો, સ્વિફ્ટ, વેગનઆર અને વિતારા બ્રિઝાનો પણ સમાવેશ થાય છે. 2017માં કંપનીએ 17.8 લાખ યુનિટ્સનું પ્રોડક્શન કર્યું હતું.

ગયા વર્ષમાં સુઝુકીએ બનાવેલી 17.8 લાખ ગાડીઓમાંથી 16.5 લાખ ગાડીઓ ભારતમાં વેચાઈ હતી, જ્યારે 1.3 લાખ યુનિટ્સ 100 જુદાજુદા દેશોમાં એક્સપોર્ટ કરવામાં આવ્યા હતા. ભારતના ત્રણ પ્લાન્ટ્સમાં બનતી સુઝુકીની ગાડીઓ યુરોપ, જાપાન, એશિયા, આફ્રિકા તેમજ લેટિન અમેરિકાના દેશોમાં નિકાસ થાય છે.

(6:24 pm IST)
  • ઓપરેશન બ્લુસ્ટારની વરસીએ સુરક્ષા વધારાઈ :પોલીસકર્મીની રાજા કેન્સલ :મંદિર પરિસર આસપાસ 3200 પોલીસ જવાનો તૈનાત :શહેરના પ્રવેશ માર્ગો પર મોટો પોલીસ કાફલો ખડકી દેવાયો :એરપોર્ટ, રેલવે સ્ટેશન અને શહેરમાં આવતા તમામ માર્ગોમાં ચુસ્ત બંદોબસ્ત ગોઠવાયો ;વાહનોનું ચેકીંગ access_time 12:29 am IST

  • અમરેલી :સરકારે ખરીદેલ ટેકાના ભાવની તુવેરની ચોરી :સાવરકુંડલાના બાઢડાના ગોડાઉનમાંથી અઢી લાખની તુવેરની ચોરી થઈ :ગોડાઉનના શટરના તાળા તોડીને તસ્કરો 90 ગુણી તુવેર ચોરી ગયા access_time 12:48 am IST

  • સરકારે જમ્મુ-કાશ્મીરમાં સીમા પારથી ફાયરિંગમાં મરનાર દરેક દૂધાળું પશુઓ માટે વળતરની રકમ વધારીને 50 હજાર કરી :રાજ્યમાં આ વર્ષે જાન્યુઆરીથી પાકિસ્તાન દ્વારા સંઘર્ષ વિરામનું 1200 થી વધુ વખત ઉલ્લંઘન કરાયું છે access_time 1:28 am IST