Gujarati News

Gujarati News

News of Monday, 4th June 2018

મહેસાણાની રાધનપુર ચોકડી નજીક ડ્રોની સ્કીમ ચલાવતી પેઢીનું એકાએક ઉઠમણું થઇ જતા 1500થી વધુ ગ્રાહકોને નુકશાની

મહેસાણા: શહેરના રાધનપુર ચોકડી નજીક લકી ડ્રોની સ્કીમ ચલાવતી એક પેઢીનું એકાએક ઉઠામણુ થઈ જતા ૧પ૦૦ થી વધુ ગ્રાહકોને રાતા પાણીએ રોવાનો વારો આવ્યો છે. છેતરપીંડીનો ભોગ બનેલા ગ્રાહકોની ફરીયાદને અધારે મહેસાણા બી ડીવીઝન પોલીસે ૪ સંચાલકો સામે ગુનો નોંધી તપાસ શરૃ કરી છે. પરંતુ ઓફીસને તાળા મારીને ભૂગર્ભમાં ઉતરી ગયેલા સંચાલકો પોલીસની પહોંચથી દુર રહ્યા છે. મહેસાણામાં રાધનપુર ચોકડી નજીક ક્રિષ્ણા કોમ્પલેક્ષમાં રોહીત પટેલ ઉર્ફે પેન્ટર, પાવન પટેલ ઉર્ફે લકી, વિપુલ ચૌધરી અને કિરણ નાયક નામના શખસોએ સદભાવના ફાઉન્ડેશનની ઉમિયા કૃપા લકી ડ્રોની સ્કીમ શરૃ કરી હતી. જેમાં પ્રતિમાસ રૃ.પ૦૦ ભરીે ૪૦ હપ્તા બાદ ૧૮ ટકા વ્યાજ સહીત પૈસા પરત આપવાની જાહેરાત કરવામાં આવી હતી. પરંતુ સ્કીમની મુદત પૂર્ણ થયા બાદ ગ્રાહકોને નાણાં પરત આપવામાં સંચાલકોએ ગલ્લાતલ્લા કર્યા હતા. વળી, શનિવારે મોડી સાંજે ઓફીસના શટર પાડી દેવાતા ગ્રાહકોએ મહેસાણા બી ડીવીઝન પોલીસ મથકે પહોચી ફરીયાદ નોંધાવી હતી. જો કે, પોલીસ મથકે રૃ.ર૩.૭૧ લાખની છેતરપીંડી નો ગુનો નોંધાયાને ર૪ કલાક જેટલો સમય વિતી ગયો હોવા છતાં હજુ સુધી એક પણ સંચાલકની ધરપકડ કરવામાં આવી નથી જેના લીધે ગ્રાહકોમાં અનેક તર્ક વિતર્ક સર્જાયા છે.
 

(5:25 pm IST)
  • વડોદરામાં માનાં નામને કલંક લગાવતી ઘટના સામે આવી છે. જેમાં સુમિત્રા નામની એક મહિલા બાળકીને મુકીને ફરાર થઈ ગઈ છે. ગઈ કાલે મહિલાએ રજા માંગી હતી જો કે આજે સયાજિરાવ હોસ્પિટલના બાળ વિભાગમાં નવજાત બાળકીની સારવાર શરૂ હતી તે દરમિયાન તેને તરછોડી દંપતિ ફરાર થઈ ગયુ હતુ. રજીસ્ટરમાં દંપત્તિએ પાદરાનાં મુવાલ ગામ હોવાનો ઉલ્લેખ કર્યો છે. હાલ પોલીસે તપાસ હાથ ધરી છે. access_time 12:22 am IST

  • હવે પંજાબ નેશનલ બેંક અને ICICIના ગ્રાહકોને પણ લોન પર વધુ વ્યાજ ચૂકવવુ પડશે કેમ કે, એસબીઆઈ બાદ હવે પંજાબ નેશનલ બેંક અને આઈસીઆઈસીઆઈએ પણ પોતાના વ્યાજદરોમાં વધરો કરી દીધો છે. આઈસીઆઈસીઆઈએ 5 વર્ષ માટે પોતાના લેંડિંગ રેટને 10 બેઝિઝ પોઈન્ટ્સ વધારતા 8.70 ટકા કરવાનો નિર્ણય લીધો છે. જો કે લોન 3 મહિના માટે હશે તો વ્યાજદરમાં ફેર નહિ પડે. access_time 12:22 am IST

  • રાજકોટ ડાંગર કોલેજમાં બોગસ ડિગ્રીનો મામલો :જિલ્લા ભાજપ મહામંત્રી ભાનુ મહેતાની એસઓજીએ પૂછપરછ કરી :જિલ્લા ભાજપ કાર્યાલયથી ભાજપના અગ્રણી નેતાની અટકાયત :ડાંગર કોલેજના ટ્રસ્ટના પ્રમુખ છે ભાનુ મહેતા access_time 12:40 am IST