Gujarati News

Gujarati News

News of Monday, 4th June 2018

પાલનપુર-ડીસા હાઇવે પર હોટલ પર અજાણ્યા શખ્સોએ ફાયરિંગ કરતા એક મોતને ભેટ્યો

બનાસકાંઠા: જિલ્લાના પાલનપુર-ડીસા હાઈવે ઉપર આવેલી એક હોટલ ઉપર બપોરના સમયે બે થી ત્રણ ગાડીમાં આવેલા ચાર જેટલા શખ્સોએ જમવા બેઠેલા બે શખ્સો ઉપર ફાયરીંગ કરી એકનું ઢીમ ઢાળી દેતા ચકચાર મચી ગઈ હતી. જોકે ફાયરીંગમાં અન્ય એક ઘાયલ થતાં તેને સારવાર માટે પાલનપુરની એક ખાનગી હોસ્પિટલમાં ખસેડવામાં આવ્યો હતો. જોકે ફાયરીંગની ઘટનાને લઈ ડી.વાય.એસ.પી. સહિતનો પોલીસ કાફલો ઘટનાસ્થળે પહોંચી તપાસ હાથ ધરી હતી.
જિલ્લામાં અસામાજિક પ્રવૃત્તિઓ બેફામ વધવા સાથે પાલનપુરની નજીક આવેલી રામઝુંપડી રેસ્ટોરન્ટમાં રવિવારે જમવા બેઠેલા ઈસમો વચ્ચે કહેવાતી અંગત અદાવત બાબતે ચકમક થયા બાદ બે થી ત્રણ વાહનોમાં ચાર ઈસમો આવી અંધાધૂંધ ફાયરીંગ કરી લશ્કર મીર નામના શખ્સનું ઢીમ ઢાળી દીધું હતું. જ્યારે અન્ય એક ઈસમ ફાયરીંગમાં ઘાયલ થતા તાત્કાલિક ખાનગી હોસ્પિટલમાં સારવાર માટે ખસેડવામાં આવ્યો હતો.
જોકે ફાયરીંગ કરી અજાણ્યા  ઈસમો ફરાર થઈ ગયા હતા. ફાયરીંગની ઘટના બાદ ઘટનાસ્થળે પોલીસ કાફલો આવી સમગ્ર ઘટનાની તપાસનો ધમધમાટ શરૃ કર્યો હતો. ફાયરીંગની ઘટનાને લઈ અનેક સવાલ ઉભા થયા છે. ઘટનાનું સાચું કારણ  આરોપીઓની અટકાયત બાદ બહાર આવશે પોલીસે હાલમાં અલગ અલગ ટીમો બનાવી આરોપીઓને ઝડપી પાડવા કવાયત હાથ ધરી છે.

(5:25 pm IST)
  • સરકારે જમ્મુ-કાશ્મીરમાં સીમા પારથી ફાયરિંગમાં મરનાર દરેક દૂધાળું પશુઓ માટે વળતરની રકમ વધારીને 50 હજાર કરી :રાજ્યમાં આ વર્ષે જાન્યુઆરીથી પાકિસ્તાન દ્વારા સંઘર્ષ વિરામનું 1200 થી વધુ વખત ઉલ્લંઘન કરાયું છે access_time 1:28 am IST

  • કરોડાના કૌભાંડી ભદ્રેશ મહેતાની તબિયત લથડી: છાતીમાં દુઃખાવાની ફરીયાદ બાદ સિવિલ હોસ્પિટલના આઇસીયુંમાં દાખલ access_time 3:55 pm IST

  • બોલિવૂડ એક્ટ્રેસ બિપાશા બસુને શ્વાસ લેવામાં તકલીફને કારણે મુંબઈની એક હોસ્પિટલમાં એડમિટ કરવામાં આવી છે. એક્ટ્રેસને શ્વાસ લેવામાં તકલીફ થઈ રહી હતી તેથી તેને તાત્કાલિક હોસ્પિટલમાં દાખલ કરવામાં આવી હોવાનું જાણવા મળી રહ્યું છે. access_time 2:48 am IST