Gujarati News

Gujarati News

News of Monday, 4th June 2018

અમદાવાદના બોપલમાં 12માં માળેથી ઝંપલાવીને આધેડે આયખું ટૂંકાવ્યું

ઓર્કિડ એલિગન્સ ટાવરના 12માં માળેથી પડતું મુકનારા સુરેશ ગૌડની માનસિક સ્થિતિ સારી ન હોવાનું પરિવારજનોનું કથન

અમદાવાદના સાઉથ બોપલ વિસ્તારમાં  એક આધેડ વ્યક્તિએ 12મા માળેથી છલાંગ લગાવી દેતા જીવન ટુંકાવતા ચકચાર મચી ગઈ છે.

  મળતી વિગત મુજબ સાઉથ બોપલ વિસ્તારના સોબો સેન્ટર પાસે ઓર્કિડ એલિગન્સ ટાવરના 12માં માળેથી એક શખ્સે પડતુ મૂકીને જીવન ટૂંકાવ્યુ હતુ. આ બાબતની જાણ થતા જ બોપલ પોલીસ ઘટના સ્થળે દોડી ગઈ હતી. જેમાં માહિતી મળી કે, સુરેશ ગૌડ નામના શખ્સે આત્મહત્યા કરી છે. 58 વર્ષીય આ શખ્સના પરિવારજનોએ જણાવ્યું કે, સુરેશ ગૌડની માનસિક સ્થિતિ સારી ન હતી. જોકે, સ્થાનિક પોલીસે ગુનો નોંધી તપાસ હાથ ધરી છે.

(12:43 pm IST)
  • બોલિવૂડ એક્ટ્રેસ બિપાશા બસુને શ્વાસ લેવામાં તકલીફને કારણે મુંબઈની એક હોસ્પિટલમાં એડમિટ કરવામાં આવી છે. એક્ટ્રેસને શ્વાસ લેવામાં તકલીફ થઈ રહી હતી તેથી તેને તાત્કાલિક હોસ્પિટલમાં દાખલ કરવામાં આવી હોવાનું જાણવા મળી રહ્યું છે. access_time 2:48 am IST

  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • અમરેલી :સરકારે ખરીદેલ ટેકાના ભાવની તુવેરની ચોરી :સાવરકુંડલાના બાઢડાના ગોડાઉનમાંથી અઢી લાખની તુવેરની ચોરી થઈ :ગોડાઉનના શટરના તાળા તોડીને તસ્કરો 90 ગુણી તુવેર ચોરી ગયા access_time 12:48 am IST