Gujarati News

Gujarati News

News of Monday, 4th June 2018

ખેડૂતોના ઉગ્ર આંદોલનને પગલે ગુજરાતમાં શાકભાજીના ભાવો બમણા થવાની દહેશત

ટામેટા, મરચાં સહિતની વિવિધ શાકભાજીનો જથ્થો ગુજરાત આવતો અટકી ગયો છે

અમદાવાદ તા. ૪ : મહારાષ્ટ્ર, રાજસ્થાન સહિતના વિવિધ રાજયોના ખેડૂતો આંદોલન ચલાવી રહ્યા છે, જો આ આંદોલન વધારે સમય ચાલે તો ગુજરાતમાં શાકભાજીના ભાવો બમણાં થઈ શકે તેમ છે કારણ કે અત્યારે ટામેટા, મરચાં સહિતની વિવિધ શાકભાજીનો જથ્થો ગુજરાત આવતો અટકી ગયો છે. શાકભાજી માર્કેટ સાથે સંકળાયેલા નિષ્ણાતોનું કહેવું છે કે, જો આ જ સ્થિતિ રહી તો ભાવોમાં વધુ ભડકો થશે. વિવિધ રાજયોના ખેડૂતો સરકારની ખેડૂત વિરોધી નીતિ સામે મોરચો માંડયો છે અને લડત ચલાવી રહ્યા છે.

સૂત્રો કહે છે કે, હાલમાં ટામેટાનો જથ્થો ઓછો આવી રહ્યો છે. જો જથ્થો હજુ ઓછો થશે તો ભાવોમાં ભડકો થશે. ગુજરાતમાં મહારાષ્ટ્રના એહમદ નગર અને નાસિકથી પણ શાકભાજી આવે છે, ત્યાં પણ આંદોલન ચાલી રહ્યું છે. રાજસ્થાનથી શાકભાજી-ફળોનો જથ્થો અત્યારે આવી રહ્યો છે, જો અહીંનો સપ્લાય અટકાવશે તો કિંમત વધી જવાની છે. શુક્રવારથી તેમનું આંદોલન ચાલુ થયું છે.

વેપારીઓનું કહેવું છે કે, ટામેટાની સાથે કોથમીરનો જથ્થો પણ ઓછો થઈ રહ્યો છે. જો આવી જ સ્થિતિ રહેશે તો શાકભાજીમાં હજુ ય મોંઘવારીનો સામનો કરવો પડી શકે તેમ છે. અલબત્ત્।, બટાકા અને ડુંગળીનો જથ્થો રાજયમાં પૂરતો હોવાથી તેના ભાવો પર કંઈ ખાસ અસર પડે તેવું લાગતું નથી,

એ જ રીતે દૂધમાં પણ ગુજરાત અન્ય રાજયો પર નભે છે તેવું નથી એટલે દૂધના જથ્થાને લઈને પણ ગુજરાતમાં કોઈ સમસ્યા સર્જાય તેવું લાગતું નથી તેમ સૂત્રો કહી રહ્યા છે.(૨૧.૧૧)

(11:45 am IST)
  • સરકારે જમ્મુ-કાશ્મીરમાં સીમા પારથી ફાયરિંગમાં મરનાર દરેક દૂધાળું પશુઓ માટે વળતરની રકમ વધારીને 50 હજાર કરી :રાજ્યમાં આ વર્ષે જાન્યુઆરીથી પાકિસ્તાન દ્વારા સંઘર્ષ વિરામનું 1200 થી વધુ વખત ઉલ્લંઘન કરાયું છે access_time 1:28 am IST

  • મુંબઇના આતંકવાદી હુમલાના માસ્ટરમાઇન્ડ હાફિઝ સઇદ, નું સંગઠન જમાત-ઉદ-દાવા 25 જુલાઈથી પાકિસ્તાનમાં સામાન્ય ચૂંટણીમાં અલ્લાહ-હૂ-અકબર તેહરીક દ્વારા લડશે. આ ગ્રૂપે મિલી મુસ્લિમ લીગ (એમએમએલ) ની એક રાજકીય પાર્ટી તરીકે સભ્યપદ મેળવ્યું નથી, આવી સંસ્થાના એક વરિષ્ઠ સભ્યએ આ માહિતી આપી હતી. access_time 2:47 am IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST