Gujarati News

Gujarati News

News of Monday, 4th June 2018

7થી 9 જૂન સુધીમાં મુંબઈમાં ભારે વરસાદ : કોંકણ પટ્ટીમાં અતિથી અતિ ભારે વરસાદની શકયતા : દરિયો તોફાની બનશે

ગુજરાતમાં 10થી 12 જૂન સુધી વરસાદી ઝાપટાં : 14થી 20 જૂન વરસાદ : ભાવનગર, દક્ષિણ સૌરાષ્ટ્ર સહિતનાં વિસ્તારમાં વરસાદ થશે : અંબાલાલ પટેલ

અમદાવાદઃ આગામી 7થી 9 જૂન સુધીમાં મુંબઈમાં ભારે વરસાદ પડશે તેમજ કોંકણ પટ્ટીમાં અતિથી અતિ વરસાદની આગાહી પરંપરાગત હવામાન નિષ્ણાંત અંબાલાલ પટેલ દ્વારા કરાઈ છે તેમણે એવી આગાહી કરી હતી કે, 7થી 9 જૂન સુધી મુંબઇમાં ભારે વરસાદ થવાની સંભાવના છે. મુંબઇમાં કોંકણ પટ્ટીમાં અતિથી અતિ ભારે વરસાદ થશે. દરિયો તોફાની બનશે તેમજ દરિયાઇ ઉંચા મોજા ઉછળશે.

 ગુજરાતમાં 10થી 12 જૂન સુધી વરસાદી ઝાપટાં પડશે. 14થી 20 જૂન દરમ્યાન પણ ગુજરાતમાં વરસાદ પડશે. ભાવનગર, દક્ષિણ સૌરાષ્ટ્ર સહિતનાં વિસ્તારમાં વરસાદ થશે. 14થી 16 જૂન સુધી ઉત્તર ગુજરાત અને મધ્ય ગુજરાતમાં પણ વાતાવરણ પલટાશે.

 તેઓએ આગાહી કરતાં જણાવ્યું કે મુંબઈમાં વરસાદ બાદ ગુજરાતમાં ચોમાસુ ધીરે-ધીરે આગળ વધશે પરંતુ હજી ચોમાસાને વાર છે. જો કે તાજેતરમાં જ જે વિસ્તારમાં વરસાદ પડ્યો તે પ્રિ-મોનસુન વરસાદ છે. જેથી હવે 7 તારીખથી લઇને 16 તારીખ સુધીમાં વરસાદ પડશે.

(2:22 am IST)
  • પેટ્રોલમાં કીટરે 14 પૈસા અને ડીઝલમાં 12 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,18 રૂપિયા અને ડીઝલનો ભાવ લિટરે 74,08 રૂપિયા થશે :રાજ્ય પ્રમાણે કરવેરા અલગ થશે:છેલ્લા ચાર દિવસથી થતા ઘટાડામાં આ સૌથી વધુ ઘટાડો છે access_time 2:18 am IST

  • વડોદરા કોર્પોરેશ દ્વારા દબાણ દુર કરવાની કામગીરી શરૂ : હરણી વારશિયા રીંગરોડ પરના સવાદ ખાતે દબાણ દુર કરાયાઃ ૧૩.૫ મીટરની એક લાઇન ખુલ્લી કરવા માટે ૧૧૦ દબાણો તોડી પડાયા access_time 3:56 pm IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST