Gujarati News

Gujarati News

News of Monday, 16th April 2018

પ્રવીણ તોગડિયાના અનિશ્ચિતકાળના ઉપવાસ પહેલા સંઘના પદાધિકારીઓ મળવા પહોંચ્યા ;એક કલાક બેઠક ચાલી

અમદાવાદ :પ્રવીણ તોગડિયાના અનિશ્ચિતકાળના ઉપવાસ પહેલા સંઘના પદાધિકારીઓ તેમને મળવા પહોંચ્યા હતા. લગભગ એક કલાક સુધી બેઠક ચાલી હતી. જોકે સંઘના પદાધિકારી હરેશ ઠક્કરે કોઈ સ્પષ્ટતા કરી અને શુભેચ્છા મુલાકાત ગણાવીને મીડિયાને જવાબ આપવાનું ટાળ્યું હતું. સંઘના ચિંતન ઉપાધ્યાય અને યશવંત ચૌધરી તોગડિયાને મળ્યા હતા.

     અમદાવાદમાં પ્રવીણ તોગડિયા આવતીકાલથી અનિશ્ચિતકાળ માટે ઉપવાસ આંદોલન શરૂ કરી રહ્યાં છે ત્યારે તે પહેલા સંઘના પદાધિકારીઓ સાથેની મુલાકાત ઘણી સૂચક માનવામાં આવે છે. પ્રવીણ તોગડિયાએ કહ્યું કે તેઓ સંઘના વિચારોને લઈને સંઘર્ષ કરવા ડોક્ટરી પ્રેક્ટિસ છોડીને નીકળ્યા હતાં. તેમણે મોહન ભાગવતના નિવેદન પર પ્રતિક્રિયા આપતાં કહ્યું કે કેન્દ્રમાં ભાજપની સત્તા આવ્યા બાદ લાખો લોકોની કુરબાની પછી ગોધરા કાર સેવકોના મૃત્યુ વખતે કેમ કોર્ટ યાદ આવી તેવો સવાલ કર્યો હતો.

(11:33 pm IST)
  • હૈદરાબાદઃ મક્કા મસ્જીદ બોમ્બ બ્લાસ્ટ કેસમાં આસિમાનંદજી સહિત તમામ મુખ્ય આરોપીને નિર્દોષ છોડી મુકતી અદાલત: ૨૦૦૭માં હૈદરાબાદની પ્રસિદ્ધ મક્કા મસ્જિદમાં બોમ્બ વિસ્ફોટ થયેલ, જેમાં ૯ના મોત નિપજ્યા હતાં અને ૫૪ લોકોને ઇજા થઇ હતીઃ જુમ્માની નમાઝ દરમિયાન આ વિસ્ફોટ થયો હતો access_time 12:46 pm IST

  • અમેરિકા, બ્રિટન અને ફ્રાન્સે સીરિયા સામે લશ્કરી પગલાં લેતાં રશિયાના પ્રમુખ વ્લાદિમીર પુતિને પરિણામો ભોગવવા ચેતવણી આપી છે. શનિવારે થયેલા હવાઈ હુમલા સીરિયા પરનું આક્રમણ હોવાનું કહેતાં રશિયાએ જણાવ્યું હતું કે આ હુમલાને પગલે સીરિયામાં માનવીય મુશ્કેલીઓ વધશે અને આંતરરાષ્ટ્રીય સંબંધ શૃંખલામાં પણ વિધ્વંસક અસરો સર્જાશે. access_time 12:35 am IST

  • સાઉદી અરબમાં હિલચાલઃ ૨૪ મુસ્લિમ રાષ્ટ્રો સાથે યુદ્ધ અભ્યાસઃ ખ્રિસ્તી રાષ્ટ્રોના હુમલા ખાળવા ઈસ્લામિક રાષ્ટ્રો એક બની રહ્યા છે...: દુનિયા ખતરનાક દિશામાં જઈ રહી છેઃ અમેરિકા-બ્રિટન જેવા ખ્રિસ્તી રાષ્ટ્રોના હુમલાના પ્રતિકાર માટે ઈસ્લામિક રાષ્ટ્રોની તૈયારીઃ સાઉદી અરબે પાકિસ્તાને અલગ રાખ્યું access_time 11:32 am IST