Gujarati News

અમદાવાદ : જમ્મુ કાશ્મીરના કઠુઆમાં 8 વર્ષની માસૂમ બાળકી પર ગેંગરેપ કરી મોતને ઘાટ ઉતારવાની, ઉન્નાવમાં ભાજપના ધારાસભ્ય  દ્વારા યુવતી પર બળાત્કાર ગુજારવાની અને સુરતમાં પણ 8 વર્ષની બાળકી પર ગેંગરેપ બાદ તેની હત્યાને લઈને રાજ્યમાં લોકોનો  રોષ ફાળી નીકળ્યો છે. સમાજ માટે શરમજનક ઘટનાના વિરોધમાં અમદાવાદ અને સુરત શહેરમાં ક્યાંક કેન્ડલમાર્ચનો કાર્યક્રમ રખાયો હતો તો ક્યાંક રેલી કાઢવામાં આવી હતી.
દરિયાપુર વિસ્તારમાં જમિયત ઉલમા દ્વારા માનવ સાંકળ રચી મૌન ધરણાં યોજવામાં આવ્યા હતા. જ્યારે શહેરના નિકોલ વિસ્તારમાં મોટી સંખ્યામાં લોકોએ કેન્ડલ માર્ચ કાઢી હતી. આ કેન્ડલ માર્ચમાં પાસનો હાર્દિક પટેલ પણ હાજર રહ્યો હતો.