Gujarati News

Gujarati News

News of Saturday, 13th January 2018

ગાંધીનગરના પીએસઆઇએ અગમ્ય કારણોસર ગોળી મારી આત્મહત્યા કરતા સારવાર દરમિયાન મોત

ગાંધીનગર:શહેરમાં એક પોલીસ સબ ઇન્સપેક્ટર દ્વારા અગમ્ય કારણોસર આત્મહત્યા કરવાની ઘટના પ્રકાશમાં આવી છે. મળતી માહિતી અનુસાર, 56 વર્ષિય કે.યુ આહિરે માથે રિવોલ્વરથી ગોળી મારી આત્મહત્યા કરવાનો પ્રયાસ કર્યો હતો, જેમને સારવાર અર્થે તાત્કાલિક ગાંધીનગર સિવિલ હોસ્પિટલ લાવવામાં આવ્યા હતા જ્યાં સારવાર દરમ્યાન તેમનું મોત નીપજ્યું હતું.

ગાંધીનગરના એસઆરપી ગ્રુપમાં પીએસઆઈ તરીકે ફરજ બજાવતા કે.યુ આહિરે માથે રિવોલ્વરથી ગોળી મારી આત્મહત્યાનો પ્રયાસ કર્યો હતો. મળતી માહિતી અનુસાર, રાત્રે ફરજ બજાવી પરત ફરેલ જવાને સેક્ટર-27માં આવેલ પોલીસ આવાસમાં પોતાના ઘરે અગમ્ય કારણોસર ગોળી મારી આત્મહત્યા કરી હતી. 56 વર્ષીય કે.યુ આહિરને તાત્કાલિક સારવાર અર્થે ગાંધીનગર સિવિલ હોસ્પિટલ લાવવામાં આવ્યા હતા. જ્યાં સારવાર દરમ્યાન તેમનું મોત નીપજ્યું હતું. આહિરે ક્યાં કારણોસર આત્મહત્યા કરી તે વિશે સચોટ માહિતી પ્રાપ્ત થઇ શકી નથી. હાલમાં સમગ્ર ઘટના અંગે સેક્ટર-21 પોલીસે વધુ તપાસ હાથ ધરી છે.

(5:33 pm IST)
  • મધ્યપ્રદેશના ગુના જિલ્લામાં દિગ્વિજયસિંહના ગઢ રાઘોગઢમાં ભાજપ અને કોંગ્રેસના કાર્યકરોની અથડામણ પછી તણાવભરી સ્થિતિ ફેલાય ગઈ છે : તણાવને ધ્યાનમાં રાખીને, સાવચેતીનાં ભાગરૂપે ત્યાં કર્ફ્યૂ લાદી દેવામાં આવ્યો છે : આગામી સપ્તાહે રાઘોગઢમાં મ્યુનિસિપલ ચૂંટણી યોજાવાની છે. access_time 1:37 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST

  • દિલ્હીના ગ્રેટર નોએડાના સૂરજપુર વિસ્તારની એક સોસાયટીમાં રહેતા ઇન્ટરનેશનલ મુક્કાબાજ જિતેન્દ્ર માનનો મૃતદેહ મળી આવતા સનસનાટી મચી જવા પામી છે. જિતેન્દ્રના શરીર પર ગોળીના નિશાન મળી આવતાં હત્યાની આશંકા સેવાય રહી છે. જિતેન્દ્ર બોક્સિંગમાં નેશનલ ચેમ્પિયન પણ રહી ચૂક્યો છે. access_time 3:10 pm IST