Gujarati News

Gujarati News

News of Friday, 20th November 2020

વડોદરાના સહકારી મંડળીના અધ્યક્ષે કોર્પોરેશનના કોન્ટ્રાકટર સાથે મળી વેપારીઓ સાથે 70 લાખની ઠગાઈ આચરતા પોલીસ ફરિયાદ

વડોદરા:શહેર ની છત્રપતિ શિવાજી સહકારી મંડળીના અધ્યક્ષ અને વડોદરા કોર્પોરેશનમાં કોન્ટ્રાક્ટર તરીકે કામ કરતા ગૌરવ રમાકાંત પવળે એ વડોદરાના કેટલાક વેપારીને રૂપિયા 70 લાખ જેવી માતબર રકમ નહીં આપી વિશ્વાસઘાત કર્યો હોવાની વિગતો બહાર આવી છે. જેમાં કેટલાક વેપારીએ વડોદરા પોલીસ કમિશનરને લેખિતમાં ફરિયાદ આપી હોવાનું જાણવા મળે છે.

વડોદરા બરાનપુરા વિસ્તારમાં રહેતા અને છત્રપતિ શિવાજી સહકારી મંડળીના અધ્યક્ષ અને વડોદરા કોર્પોરેશનમાં કોન્ટ્રાક્ટર તરીકે કામ કરતા ગૌરવ પવળે એ વડોદરા કોર્પોરેશનમાં કોન્ટ્રાક્ટ મેળવી વડોદરાના કેટલાક વેપારીઓ પાસેથી સિમેન્ટ કોંક્રીટ તેમજ પેવર બ્લોક વિગેરે ખરીદ કરી નાણાં પરત આપ્યા નહીં તેની સાથે લોન મેળવવાની કામગીરીમાં પણ હોદ્દાનો દુરુપયોગ કર્યો હોવાનું બહાર આવ્યું છે.

(5:03 pm IST)
  • શેરબજારમાં પ્રારંભે મોટો ઉછાળો : આજે સવારે શેરબજાર શરૂ થઈ ત્યારે સેન્સેકસમાં સીધો જ ૨૮૨ પોઈન્ટનો ઉછાળો જોવા મળ્યો હતો. અને આંક ૪૩,૮૮૨ ઉપર પહોંચેલ. જયારે નિફ્ટી ૭૮ પોઇન્ટ વધીને ૧૨૮૫૦ના આંકે પહોંચી ગઈ હતી. access_time 12:52 pm IST

  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST