Gujarati News

Gujarati News

News of Friday, 20th November 2020

રાષ્ટ્રીય સહકારી મહાસંઘમાં દિલીપ સંઘાણી બિનહરીફ

જયોતિન્દ્રમામા અને ઘનશ્યામભાઇ અમીનની પણ ઉમેદવારી : ૨૩ મીએ ચેરમેનની ચુંટણી

રાજકોટ તા. ૨૦ : દેશની સહકારી ક્ષેત્રની સૌથી મોટી સંસ્થા રાષ્ટ્રીય સહકાર મહાસંઘના ૧૯ ડીરેકટરો ચુટવા માટે ચુંટણી યોજાઇ છે. ચેરમેનની ચુંટણી તા. ૨૩ મીએ યોજાશે. ગુજરાતમાંથી ડીરેકટર પદ માટે દીલીપભાઇ સંઘાણી (ઇફકો), જયોતિન્દ્રભાઇ મહેતા અને ઘનશ્યામભાઇ અમીને અલગ અલગ વિભાગમાં ઉમેદવારી નોંધાવી છે. આજે ફોર્મ ચકાસણીની પ્રક્રિયા ચાલી રહી છે.

દિલીપભાઇ સંઘાણીનું ફોર્મ માન્ય થઇ ગયુ છે. તેમની સામે કોઇ ઉમેદવાર ન હોવાથી તેઓ બીનહરીફ ચુંટાવાનું નિશ્ચિત મનાય છે. તેઓ ચેરમેન પદના પણ સબળ દાવેદાર મનાય છે.

અત્રે ઉલ્લેખનીય છે કે  નેશનલ કોઓપરેટીવ યુનિયન ઓફ ઇન્ડિયાની  સ્થાપના ૧૯૨૯ માં થઇ હતી.  શરૂઆતમાં તેનું નામ ઓલ ઇન્ડિયા કો ઓપરેટીવ ઇન્સ્ટીટયુટ એસો. હતુ. ત્યાર બાદ ૧૯૬૧ માં નેશનલ કો ઓપરેટીવ યુનિયન ઓફ ઇન્ડીયા રાખવામાં આવ્યુ. સંસ્થાની મુખ્ય કામગીરી દેશમાં સહકારી પ્રવૃત્તિને વેગ આપવાનું છે. હાલ દેશની સ્ટેટ અને મલ્ટી સ્ટેટ લેવલની ૨૪૨ સંસ્થા તેની સદસ્ય છે.

(3:33 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST