Gujarati News

Gujarati News

News of Friday, 20th November 2020

ગુજરાતમાં કોરોનાના દર્દીઓ વધતા ઓકિસજન વપરાશમાં મોટો ઉછાળો

નવેમ્બર પ્રારંભે દૈનિક ૧૩૦ મેટ્રિક ટનની જરૂરિયાત સામે અત્યારે ૧૬૦ મેટ્રિક ટન વપરાશ

રાજકોટ,તા. ૨૦: ગુજરાતમાં કોરોનાના દર્દીઓ વધતા ઓકિસજનના વપરાશમાં તેમજ દવાના વપરાશમાં વધારો નોંધાયો છે. આવતા દિવસોમાં દર્દીઓની સંખ્યા વધવાની ભીતિ છે. દિવાળીના તહેવારોમાં બજારોમાં ભીડ વધતા સંક્રમણ વધ્યું છે.

સરકારી સુત્રોના જણવ્યા મુજબ નવેમ્બરના પ્રારંભે રાજ્યમાં કોરોનાના દર્દીઓનું પ્રમાણ દૈનિક ૯૦૦ની અંદર હતું. ગઇ કાલથી સ્થિતી મુજબ રોજ ૧૨૦૦થી વધુ દર્દીઓ વધી રહ્યા છે. નવેમ્બર પ્રારંભે દર્દીઓ માટેના ઓકીસજનનો રોજનો ૧૩૦ મેટ્રિક ટન જેટલો વપરાશ હતો. પખવાડિયામાં તબક્કાવાર તે વધીને હાલ ૧૬૦ મેટ્રિક ટન સુધી પહોંચી ગયો છે. સપ્ટેમ્બરમાંકોરોના સૌથી વધુ ફેલાયેલ તે વખતે મહતમ વપરાશ દૈનિક ૨૪૦ મેટ્રિક ટને પહોંચ્યો હતો. હાલમાં રોજનો સરેરાશ ૩૦ મેટ્રિક ટનનો વધારો ચિંતાજનક છે. જો કે રાજ્યમાં ઓકિસજન, દવા, વેન્ટીલેટર વગેરે પુરતી માત્રામાં ઉપલબ્ધ હોવાનું સરકારી સુત્રોનું કહેવું છે.

(10:20 am IST)
  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST

  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST